Frisland

De Vicipedia
Jump to navigation Jump to search
La bandera de Frisland
Friesland-Position.png

Frisland o Frisia (frisce: Fryslân; nederlandes: Friesland) es un provinse en la norde-ueste de Nederland. Lo es situada a ueste de Groningen, a norde-ueste de Drenthe e Overijssel, a norde de Flevoland, a norde-este de Holland Norde, e a sude de la Mar Norde. En 2010, la provinse ia ave un popla de 646 000 persones e un area intera de 5749 km².

La capital e seja de la governa provinsal es la site Leeuwarden (frisce ueste: Ljouwert), cual ave 91 917 abitores. De 2017, Arno Brok es la Comisionor de la Re en la provinse. Un alia de la Partito Laboriste, la Apela Democrata Cristian e la Partito Nasional Frisce formi la ramo esecutal.

La area de la provinse ia parteni pasada a Frisland, un rejion antica plu grande. La linguas ofisial de Frisland es frisce ueste (prosima relatada a engles) e nederlandes.

Istoria[edita | edita la fonte]

Carlo 5, la Imperor Roman Santa, ia deveni la baron prima de la Baronia de Frisland. El ia asinia Georg Schenck van Toutenburg, ci ia vinse la revolta de la campanianes, como stadtholder per rena la provinse en sua loca. Cuand Carlo ia renunsia en 1556, Frisland ia es eritada par Filipo 2 de Espania, como ance la resta de Nederland. En 1566, Frisland ia junta se a la Revolta Nederlandes contra la rena espaniol.

En 1577, George van Lalaing (Conte Rennenburg) ia es asiniada como stadtholder de Frisland e otra provinses. Un moderada, fidada par ambos lados, el ia atenta reconsilia la rebelores con la Corona. Ma en 1580, Rennenburg ia declara per Espania. La Statos de Frisland ia asembla soldatos e ia catura sua fortreses de Leeuwarden, Harlingen e Stavoren. Rennenburg ia es desponeda, e Frisland ia deveni la baronia sinco cual ia junta se a la Uni rebelante de Utrecht. De 1580, tota stadtholderes ia es membros de la Casa de Oranje-Nassau. Con la Pas de Münster en 1648, Frisland ia deveni un membro plen de la Republica Nederlandes autonom.

En 1798, a tre anios pos la Revolui Batavian, on ia aboli la Baronia de Frisland e sua teritorio ia es divideda entre la departes Eems e Oude IJssel. Ma esta no ia dura longa, car on ia revive Frisland como un departe en 1802. Cuando Nederland ia es proprida par la Impero Franses Prima en 1810, on ia renomi la departe Frise. Pos la defeta de Napoléon en 1813 e la introdui de un constitui nova en 1814, Frisland ia deveni un provinse de la Prinsia Autocrate de Nederland Unida, e de la Rena de Nederland pos un plu anio.