Curasau

De Vicipedia
Jump to navigation Jump to search
Curasau
Flag of Curaçao.svg Coat of arms of Curaçao.svg
Curacao in its region.svg

Curasau (en nederlandes: Curaçao, pronunsiada [kyːraːˈsʌu̯]; en papiamentu: Kòrsou) es un pais isolal de la Antiles Minor en la sude de la Mar Caribe e la rejion de la Caribe Nederlandes, sirca 65 cilometres norde de la costa de Venezuela. Lo es un pais composante (en nederlandes: land) de la Rena de Nederland.

Lo ia es nomida la Colonia de Curasau e Dependes entre 1815 e 1954, e la Pais de Curasau (en nederlandes: Land Curaçao; en papiamentu: Pais Kòrsou); lo inclui la isola xef de Curasau e la isola nonabitada de Klein Curasau ("Curasau Peti"). Lo ave sirca 150 000 abitores en un area de 444 cilometres cuadrida. La capital es Willemstad, con 140 000 abitores.

Lo es un de la isolas ABC – Aruba, Bonaire e Curasau – cual parla papiamentu.

Ante la Antiles Nederlandes ia sesa esiste a 10 otobre 2010, Curasau ia es dirijeda como la "Teritorio Isolal de Curasau (en nederlandes: Eilandgebied Curaçao, en papiamentu: Teritorio Insular di Kòrsou), un de la sinco teritorios isolal de la Antiles Nederlandes pasada. Curasau es aora un pais autonom en la Rena de Nederland (Koninkrijk der Nederlanden).

La xef de stato es Re Willem-Alexander de Orange. La Parlamento es la Staten de Curaçao con du cambras.

Etimolojia[edita | edita la fonte]

En la sentenio 16 e 17 la marores de viajas longa ia prende scorbuto par la manca de vitamina C. Seguente alga rejistras, la marores portuges ci ia es malada ia es lasada en la isola oji conoseda como Curaçao. Cuando la barcon ia revade, los ia es recovreda, sanida probable de scorbuto pos los come fruta con vitamina C. Pos esta, la portuges ia refere a la isola como Ilha da Curação ("Isola de Remedia"). Un otra esplica es ce lo es derivada de la parola portuges per cor (coração), cual ia refere a la isola como un sentro de comersia. La letera O nonasentuada en portuges european es pronunsiada comun como [u], donce la parola portuges per cor, coração, es pronunsiada como [kurɐsãw]. Mercatores espaniol ia adota la nom como Curação, cual la nederlandes ia segue.

Un otra esplica es ce Curaçao ia es la nom ce la popla nativa ia usa per refere a se. Reportas temprana espaniol suporta esta teoria, car lo refere a la popla nativa como Indios Curaçaos ("indianes remedia").

De pos 1525, la isola ia apare en mapas espaniol como Curaçote, Curasaote, e Curasaore. Ante fini de la sentenio 17, lo ia apare en la plu de mapas portuges como Curaçao o Curazao. En un mapa cual Hieronymus Cock ia crea en 1562 en Antwerp, la isola ia es nomida Qúracao.