Brithenig

De Vicipedia
Jump to navigation Jump to search

Brithenig es un lingua construida, developada par Andrew Smith de Zeland Nova, ci ance inventada un istoria alternante de Ill Bethisad per esplica lo. Lo no es intendeda como un lingua aidante o lojical, ma sola como un esperimente per crea un lingua romanica cual ia ta evolui si latina ia recambia la lingua celtica nativa como parlada par la popla de Britan Grande. La resulta es un lingua sorin artifisal per franses, catalan, espaniol, portuges, romanian, ositan, e italian cual difere de los par avente cambias de sonas simil a los de la lingua cimri, con parolas emprestada de la linguas de Britan tra sua istoria. Brithenig es bon respetada par conlinguistes, e ia es donada la codigo BZT como parte de ISO 639-3.

Simil obras per estrapola linguas romanica inclui breathanach (influeda par eres), judajca (influeda par ivri), þrjótrunn (influeda par islansce), wenedyk (influeda par polsce), e xliponian (con un move de sonas simil a la lege de Grimm). E lo ia inspira wessisc, un lingua ipotesal, construida de germanica e influeda par celtica antica.

La gramatica reteni multe de la formas complicada ca on pote espeta de un lingua romanica, como conjugas de verbos e alga nonregulas; e lo ave formas "strana" de la celtica de Britan, como mutas de la consonantes prima de parolas seguente alga otra parolas. La plu de la vocabula de brithenig es clar romanica, an si lo pare como cimri. Per esemplo, asi es la pronomes de brithenig:

Sujeto Ojeto Posese
P1 singular eo mi mew
P2 singular ty ti tew
P3 mas singular ys llo sew
P3 fema singular sa lla sew
P1 plural nu nu nustr
P2 plural gw gw gwstr
P3 mas plural ys llo sew
P3 fema plural sa lla sew

Un esemplo:

Nustr Padr, ke sia i llo gel:
sia senghid tew nôn:
gwein tew rheon:
sia ffaeth tew wolont,
syrs lla der sig i llo gel.
Dun nustr pan diwrnal a nu h-eidd;
e pharddun llo nustr phechad a nu,
si nu pharddunan llo nustr phechadur.
E ngheidd rhen di nu in ill temp di drial,
mai llifr nu di'll mal.
Per ill rheon, ill cofaeth e lla leir es ill tew,
per segl e segl. Amen.

La loca ueb: http://hobbit.griffler.co.nz/introduction.html