Balena
.jpg)
Balenas es un grupo diversa e distribuida vasta de mamales plasental tota acual. Los es grupida nonformal en la infraordina Cetacea, sin la delfines e fosenas. Sua relatas plu prosima ancora vivente es la ipopotamos, cual ia diverje sirca 40 milion anios a ante. Balenas es composada de oto familias esistente:
- la balenas vera (Mysticeti)
- familia Balaenidae
- balena franca (Balaenidae)
- rorcuales (Balaenopteridae)
- megateros (sufamilia Megapterinae)
- balenas gris (Eschrichtiidae)
- familia Cetotheriidae
- balena franca pigmeo (Cetotheriidae)
- familia Balaenidae
- la balenas con dentes (Odontoseti)
- familia Monodontidae
- familia Physeteridae
- caxalotes (Physeteridae)
- familia Kogiidae
- caxalote pigmeo e caxalote nano (Kogiidae)
- familia Ziphiidae
- zifido (odontoseti con becos) (Ziphiidae).
(Nota, per favore, ce multe linguas usa un parola - como balenas o whales - per refere a plu familias ca la balenas vera (Mysticeti), spesial los ci es multe grande. La balenas con dentes (Odontoseti), no es balenas vera e inclui delfines e fosenas, ma elefen reteni la usa de "balenas" per la caxalotes e la zifidos. Si on vole es plu esata, on pote usa la nomes siensal, tipal en leteras apoiada.)
Balenas abita la mares abrida; los come, copula, pare, teti, e eleva sua enfantes a mar. Tan estrema es sua ajusta a vive suacual ce los no pote survive sur tera. Balenas pote es 2.6 m de longia e 135 kg (la caxalote nano) a 29.9 m e 190,000 kg (la balena blu), cual es la vivente la plu grande de sempre. La caxalotes es la predor con dentes la plu grande. Alga spesies esibi dimorfisme sesal, en cual la femas es plu grande ca la mases. La balenas vera no ave dentes; en loca los ave platos de balena, un strutur franjin usada per espulsa acua en cuando reteni la cril e plancton cual los come. Los usa sua plisas de la garga per estende la boca per prende cuantias enorme de cual. Balenas franca ave testas cual composas tan multe como 40% de sua corpos per esta taxe. Balenas con dentes, a la otra lado, ave dentes conin, evoluida per prende pexes o calamar. Balenas vera ave un sensa de ole bon developada, ma balenas dentosa ave un sensa de oia bon developada, evoluida per funsiona en aira e acua, cual es tan bon developada ce algas pote survive an si los es sieca. Alga spesies, como la caxalotes, es bon evoluida per tufa a profondas grande per catura calamar e otra comedas favoreda.
Balenas ia evolui de mamales cual ia abita sur tera seca. Afin, balenas debe respira aira periodal, an si los pote resta sumerjida su acua per periodos longa. Alga spesies, como la caxalote, es capas de resta sumerjida per tan longa como 90 minutos. Los ave bucos de respira (narinas evoluida) locada supra sua testas, tra cual aira es enspirada e espirada. Los ave sangue calda, e un strato de gras su la pel. Con corpos fusin e idrodinamical e du "brasos" cual ia evolui a aletas, balenas pote move a asta 37 km per ora, ma los no es tan flexable o ajila como focas. Balenas produi un varia grande de vosis, notable la cantas estendeda de la caxalote jibosa. An si balenas es sperdeda vasta, la plu de spesies prefere acua plu fria de la emisferas norde e sude, e migra a la ecuador per pare. Spesias como la caxalote jibosa e la balenas blu es capas de viaja miles de kilometres sin come. Mases copula tipal con femas multiple cada anio, ma femas copula sola cada de o tre anios. Balenetas nase tipal en la menses de primavera e estate, e la femes es cargada con eleva los. La madres de alga spesies juna e dona lete a sua enfantes per un o du anios.