Zifido

De Vicipedia
Jump to navigation Jump to search
Zifido de Baird (Berardius bairdii)
Zifido de Blainville (Mesoplodon densirostris)
Zifido de Arnoux (Berardius arnuxii)
Zifido de Cuvier (Ziphius cavirostris)

Zifidos, o balenas con becos, es un grupo de setaseos no bon conoseda, la resulta de sua abitada en mares profonda e sua raria. Sola 3 o 4 de la 22 spesies es bon conoseda. La zifidos de Baird e de Cuvier ia es esplotada comersial, de la costa de Japan, e la balena con beco botelin norde ia es multe xasada en la parte norde de la Atlantica norde, tarda en la sentenios 19 e 20.

Zifidos es media en grandia, de 4 a 13 metres e pesante de 1 a 15 tones (un ton es un mil kg). Sua cualia la plu notable es la presente de un beco, alga simil a multe delfines. La gras de esta balenas es cuasi completa (94%) composada de ester serin, un cualia unica de esta familia.

La zifidos es unica entre balenas con dentes en ce la plu de spesies ave sola un duple de dentes. La dentes es simil a dentones, ma es sola vidable en mases, cual on suposa usa esta dentes en combate per femas per diretos de reprodui. En femas, la dentes no developa e resta ascondeda en la texeda de la jenjiva.

La gargas de tota zifidos ave un duple biladal de ranures cual es asosiada con sua modo de come unica En loca de catura predas con sua dentes, la zifidos suca los en sua boca cavin. Suca es aidada par la ranures en la garga, cual estende per casi la comedas. Sua linguas pote move libre, e par retrae subita la lingua e infla la solo de la garga, la presa cade subita en la boca e suca la preda en con la acua. Sua comedas prefereda es xef calamar de mares profonda, ma ance pexes e alga crustaseos de la solo de la mar.

Tasonomia de Zifidos esistente: