Rejion baltica
La rejion baltica refere plu comun a la tre nasiones a la sude-este de la Mar Baltica: Esti, Latvia, Lietuva. Alga definis inclui la Oblast Caliningrad de Rusia. La Eurorejion B7 Rede de Isolas Baltica refere a la isolas e arcipelagos de la Baltica, pd Åland (autonom, asosiada con Suomi), Bornholm (Danmarc), Gotland (Sveria), Hiiumaa (Esti), Öland (Sveria), Rügen (Deutxland), and Saaremaa (Esti). Istorial, la rejion baltica refere a Prus este, Livonia, Courland, e Esti (Esti svensce e Esti rusce).
La defini la plu vasta inclui tota nasiones e teritorios cual ave costas longo la Mar Baltica: Danmarc, Deutxland, Esti, Latvia, Lietuva, Polsca, Rusia, Suomi, e Sveria. La Consilia de Statos de la Mar Baltica, un organiza dedicada a la ambiente, economia, educa, cultur, e ativias legal de la rejion, inclui ance Noria e Island, an si los no es vera de la rejion, e inclui como membros oservante la resta de Europa e la SUA.