Model:Bon article 2/8

Esperanto ia es presentada en 1887 par L. L. Zamenof. Ido ia es presentada en 1907 par un comite gidada par Louis Couturat e Louis de Beaufront, como un atenta a boni esperanto. Novial ia es presentada en 1928 par la linguiste dansce, Otto Jespersen. Interlingua ia es presentada en 1951 par un ecipo de rexerca gidada par Alexander Gode. Elefen ia es presentada en 1998 par C. George Boeree e suportores. Tota sinco ia es desiniada spesial per servi como linguas aidante internasional.

Spele

Tota sinco linguas ave sistemes de spele multe coerente, an si interlingua permete alga varias cual es min lojical o coerente. Ido, novial, e elefen atenta evade combinas de sonas difisil, ma aseta ancora combinas como scr en "scrive". Esperanto difere de la otras par usa un grupo de leteras con un sinieta clamada un "ĉapelo" (xapo).

Elefen ave un alfabeta cirilica paralel.

Vocales es la mesma en tota sinco linguas:

AFI	tota
[i]	i
[e]	e
[a]	a
[o]	o
[u]	u

Diftongos es la mesma en tota, esetante en esperanto:

AFI	Esperanto	Otras
[ai]	aj	ai
[au]	aŭ	au
[eu]	eŭ	eu
[oi]	oj	oi

La plu de consonantes es ance la mesma, ma multe es diferente. Aceles mostrada en brasetas no es normal usada en acel lingua.

AFI	Esperanto	Ido	Novial	Interlingua	Elefen
[p]	p	p	p	p	p
[b]	b	b	b	b	b
[t]	t	t	t	t, th	t
[d]	d	d	d	d	d
[k]	k	k	k, q	c, ch, q	c
[g]	g	g	g	g	g
[ts]	c	c	c	c	(ts)
[tʃ]	ĉ	ch	ch	(ch)	(tx)
[dʒ]	ĝ	j	j	j, g	(dj)
[ks]	ks	x	x	x	(cs)
[f]	f	f	f	f, ph	f
[v]	v	v	v	v	v
[s]	s	s	s	s	s
[z]	z	z	z	z, s	z
[ʃ]	š	sh	sh	(ch)	x
[ʒ]	ĵ	(j)	j	(g, j)	j
[h]	h	h	h	(h)¹	h
[x]	ĥ	-	-	-	(h)
[m]	m	m	m	m	m
[n], [ŋ]²	n	n	n	n	n
[w]	ŭ	w	w	u (w)	u
[y]	j	y	y	i (y)	i
[l]	l	l	l	l	l
[r]	r	r	r	r, rh	r

Notas:

1. H es silente en interlingua.

2. Tota pronunsia n ante [k] o [g] como [ŋ].

3. Interlingua permete consonantes duple.

Per plu, vade a Compara de esperanto, ido, novial, interlingua, e elefen