Mano

Un mano es un apendis prensil con multe ditos, locada a la fini de la braso basa o la membro anterior de primates como umanas, ximpanzes, simias, e lemures. Alga otra vertebratos como la coala (cual ave du ditones oposable a cada "mano" e impresas de dito estrema simil a la impresas de dito umana) es frecuente descriveda como avente "manos" en loca de pedetas a sua membros anterior. La prosion es usual descriveda como avente "manos" an si ditones oposable manca.

Alga anatomistes evolual usa la terma mano per refere a la apendis de ditos a la membro anterior plu jeneral – per esemplo, en la contesto de esce la tre ditos de la mano de avia ia envolve la mesma perde omoloja de du ditos como en la mano de dinosauro.

La mano umana ave usual sinco ditos: cuatro ditos plu un diton; estas es frecuente nomida en junta como sinco ditos, ma, en cual la diton es incluida como un de la ditos. Lo ave 27 osos, no incluinte la oso sesamoide, de cual la cuantia varia entre persones, 14 de cual es la falanjes (plu prosima, media e plu distante) de la ditos e la diton. La osos metacarpal lia la ditos e la osos carpal de la polso. Cada mano umana ave sinco osos metacarpal e oto osos carpal.

Ditos conteni alga de la areas la plu densa de finis de nervos en la corpo, e es la fonte la plu rica de responde palpable. Los ance ave la capasia la plu grande de la corpo per posa; donce, la sensa de toca es intima asosiada con manos. Como otra organos duple (oios, pedes, gamas), cada mano es dominante controlada par la emisfera serebral oposante, tal ce la prefere de mano refleta la funsiona de la serebro individua.

Entre umanas, la manos jua un rol importante en linguaje de corpo e lingua de sinia. Simil, la des ditos de du manos e la dudes falanjes de cuatro ditos (tocable par la diton) ia crea sistemes de numeros e tecnicas de calcula.