Palpebra umana
Un palpebra umana es un plia de pel cual covre e proteje un oio. La levador de palpebra superior retrae la palpebra, esposante la cornea a la esterna, donante vide. Sua funsiona xef es sperde periodal la larmas e otra secretes sur la surfas de la oio per manteni lo a moiada, car la cornea debe es continuante moiada. Los preveni ce la oios seci cuando on dormi. Plu, la reflexe de palpebri proteje la oio de corpos stranjer. Un colie de pelos spesialida conoseda como siles crese de la bordas de la palpebras alta e basa per plu proteje la oio de polvo e detrito.
La apare de la palpebra alta umana varia frecuente entre poplas diferente. La frecuentia de un epicanto covrente la angulo interna de la oio es un cualia de la majoria de la poplas de Asia este e Asia sude-este, e es ance trovada en grados variante entre otra poplas. Separada, ma ance simil variante entre poplas, la plia de la resta de la palpebra pote formi o un "palpebra singular", un "palpebra duple", o un forma media.