Oio umana
| Oio umana | |
|---|---|
 | |
 1. corpo vitrin 2. ora serrata 3. musculo silial 4. zonulas silial 5. canal de Schlemm 6. pupila 7. cambra anterior 8. cornea 9. iris 10. cortex de lente 11. nucleo de lente 12. protendes silial 13. conjuntiva 14. musculo oblica inferior 15. musculo reta inferior 16. musculo reta plu media 17. arterias e venas de retina 18. disco otical 19. duramadre 20. arteria retinal sentral 21. vena retinal sentral 22. nervo otical 23. vena vortisin 24. capsula de Tenon 25. macula 26. fovea 27. sclera 28. coroide 29. musculo reta superior 30. retina | |
| Detalias | |
| Sistem | Sistem vidal |
| Identifiante | |
| Latina | oculus |
| MeSH | D005123 |
| TA98 | A01.1.00.007 A15.2.00.001 |
| TA2 | 113, 6734 |
| FMA | 54448 |
| Termas anatomial | |
La oio umana es un organo de sensa en la sistem vidal cual reata a lus vidable per furni la vide. Otra funsionas inclui la manteni de la ritmo sircadial, e la manteni de ecuilibra.
On pote regarda la oio pote como un aparato otical vivente. Lo es sferin en forma, con sua stratos esterna, como la parte blanca e la plu esterna de la oio (la sclera) e un de sua stratos interna (la coroide pigmentida) manteninte la oio a esensal nonpermeable a lus estra longo la ase otical de la oio. En ordina, longo la ase otical, la composantes otical es un lente prima (la cornea – la parte clar de la oio) cual contribui la plu de la potia otical de la oio e fa la plu de la foca de lus de la mundo esterna; alora un abri (la pupil) en un diaframa (la iris – la parte colorida de la oio) cual controla la cuantia de lus entrante a la interna de la oio; alora un otra lente (la lente cristal) cual fa la foca restante de lus en imajes; e final un parte fotosensante de la oio (la retina), do la imajes cade e es prosededa. La retina fa un lia a la serebro par la nervo otical. La composantes restante de la oio manteni lo en sua forma nesesada, nuri e manteni lo, e proteje lo.
Tre tipos de selulas en la retina converti enerjia de lus a enerjia eletrical usada par la sistem de nervos: bastetas responde a lus de intensia basa e contribui a la persepi de imajes negra e blanca de densia basa; conos responde a lus de intensia alta e contribui a la persepi de imajes colorida de densia alta; e la selulas ganglio fotosensante descovreda resente responde a un varia completa de intensias de lus e contribui a la ajusta de la cuantia de lus cual ateni la retina, a la regula e supresa de la ormon melatonina, e a la sincroni de la ritmo sircadial.