Simia

De Vicipedia
Jump to navigation Jump to search
Un macaca, un spesie de simia

Simias es primates, tipal con codas, composada de sirca 260 spesies. Multe simias abita arbores, an si alga spesies abita xef sur la tera, pe babuines. La plu de la spesies es ativa diurnal. Simias es regardada como intelijente, spesial la simias de la mundo vea.

On ave du grupos major de simias: simias de la mundo nova (platirinos, "nas plata") de America Sude] e sentral, e simias de la mundo vea (catarinos, "nas desendente") de Africa e Asia. Ominidos - gibones, orangutanes, gorilas, tximpanzes, e umanas es ance catarinos, ma es comun distinguida de simias. Nota ce alga simias sin codas es videda como ominidos, ma es vera simias. Lemures, lorises, e galagos no es simias; en loca, los es un ramo de primates nomida la strepsirino ("nas moiada", contra tota la otras, nomida haplorino, "nas seca").