Latina (gramatica)

De Vicipedia

Latina es un lingua sintesal e fusinte. Parolas inclui un nucleo semantical, con marcas cual indica la usa gramatical de la parola. La radis e la marcas es fusida per produi partes de la frase multe compatada. Pe, amō, "me ama," es produida de la elemento semantica ama-, "ama," a cual , un marca de la person prima singular en la tempo presente, es sufisada. En latina, la marcas es sempre sufisas.

La funsiona gramatical pote es cambiada par cambia la marcas, cual es per dise, la parola es "infletada" per espresa funsiones gramatical diferente, ma la elemento semantica no cambia.

Per esemplo, amābit (el va ama) es formida de la mesma radis amā-, a cual un marca de la tempo futur, -bi-, es sufisada, e un marca per la person tre singular -t, es sufisada. Car la marcas pote ave multe usas, un taxe per la aprendor es la reconose e clari de la ambiguis resultante.

La infletas en latina espresa seso, numero, e caso en nomes, pronomes, e ajetivos; en verbos, on ave person, numero, tempo, vose, modo, e aspeta en verbos. Alga parolas no varia, per esemplo averbos, preposadas, e interjetas.

Nomes[edita | edita la fonte]

Nomes coerente en latina parteni a un de sete declinas (un grupo de nomes con formas infletada simil). Esta declinas aplica ance a ajetivos e pronomes e marca la rol sintatical de la parola. Ordina de parolas no es tan importante en latina, car la marcas de parolas clari sua rol intendeda. La casos es como esta:

  1. Nominativa - usada cuando la nom es la sujeto. La cosa o person atante: "La xica core" pote es puella cucurrit, o cucurrit puella
  2. Vocativa - usada cuando la nom es usada per prende la atende de cualcun. Lo es comun la mesma como la nominativa, ma esetas esiste. "Mestre! la sclavo ia clama" ta es "Domine!" clāmāvit servus.
  3. Acusativa - usada per indica la ojeto direta de la sujeto e verbo, e de alga preposada. "La om ia mata la xico" ta es Vir puerum necāvit.
  4. Jenitiva - usada per indica ce la nom es la posesor o en un modo jutanda con un ojeto. En latina, en "la cavalo de la om", la "om" debe es en la caso jenetiva. Lo es ance usada como un "partitiva", pe en "un grupo de persones", "persones" es en la caso jenetivo. Un esemplo: "la copa es plen de vino" es Poculum plēnum vīnī est.
  5. Dativa - usada cuando la nom es la ojeto nondireta de la frase, con alga verbos e preposadas. "La mercator dona la stola a la fem" ta es Mercātor fēminae stolam trādit.
  6. Ablativa - usada cuando la nom mostra separa o move de un orijina, un causa, o un strumento, o como la ojeto de alga preposadas "Tu ia pasea con la xico" ta es Cum puerō ambulāvistī.
  7. Locativa - usada per indica un loca. Lo es multe min comun ca la otra casos e plu comun refere a sites, vilas, e isolas, e per alga nomes comun como domus ("casa").

Latina no ave vera articles. Donce puer currit pote sinifia e "la xico core" e "un xico core". On usa contesto per divina la intende.

Asi es du esemplos: La prima es la declina un, comun usada con nomes fema; la esemplo du es la declina du, comun usada con nomes mas. Nota ce latina ave multe plu declinas, con varias per nomes fema, mas, e neutra.

Model per declina un (fema)
Singular Plural
Nominativa -a -ae
Vocative
Acusativa -am -ās
Jenitiva -ae -ārum
Dativa -īs
Ablativa
Model per declina du (mas)
Singular Plural
Nominativa -us
Vocativa -e
Acusativa -um -ōs
Jenitiva -ōrum
Dativa -īs
Ablativa

Pronomes[edita | edita la fonte]

Pronomes en latina es clasida en du tipos: personal e person tre. La pronomes personal es declinada como esta:

Caso me tu se nos vos
Nominativa egō nōs vōs
Acusativa sē / sēsē nōs vōs
Jenitiva meī tuī suī nostrum/-trī vestrum/-trī
Dativa mihī tibī sibī nōbīs vōbīs
Ablativa sē / sēsē nōbīs vōbīs

La pronomes per person tre es ance declinada per 5 casos, mas/fema/neutra, e singular/plural. Nota ce los es multe noncoerente! Como en lfn, los pote ance es usada como determinantes. En fato, los es la orijina de "la", "ala", "asi", "ci", e "cual" en elefen.

Per esemplo, en nominativa mas singular:

  • ille - acel
  • hic - esta
  • qui - ci, cual

La pronomes per person tre usada en un modo plu simil a la person tre en lfn es, en nominativa singular, asi:

  • is - el (mas)
  • ea - el (fema)
  • id - lo

Latina no usa un article definitinte (la) o nondefininte. A veses, on usa is, ea, id per esta intende, per esemplo, is es "el" e is homo es "esta om".

Ajetivos[edita | edita la fonte]

Latina ave du tipos de tipos de ajetivos: la declina un e du, e la declina tre, e los coresponde a la declina un e du e declina tre de nomes. Ajetivos ave ance formas comparativa ("plu") e superlativa ("la plu"). Latina ave ance un cuantia de partisipios.

Como en elefen, partisipio latina es formida de un verbo. On ave alga tipos major de partisipios: presente-ativa, perfeta-pasiva, futur-ativa, e futur pasiva.

Preposadas[edita | edita la fonte]

Latina usa a alga veses preposadas. Los pote usa du casos per sua ojeto: la acusativa (apud puerum - "con la xico", en cual puerum es la forma acusativa de puer) e la ablativa (sine puero - "sin la xico", en cual puero es la forma ablativa de puer).

Verbos[edita | edita la fonte]

Un verbo coerente en latina parteni a un de cuatro conjugas major. On pote identifia la conjuga par regarda la infinitiva de la verbo: -āre (pe amāre - "ama"), -ere (pe verēri - "teme"), -ere (pe dūcere - gida), e īre (pe audīre - "oia"). Natural, latina ave multe verbos noncoerente. Latina ave modeles per esta cualias:

  • Ses tempos* (presente, nonperfeta, futur, perfeta, pluperfeta, e futur perfeta);
  • Tre modos (indicativa, imperativa, e sujuntiva);
  • Du voses (ativa e pasiva);
  • Tre persones gramatical en du numeros (singular e plural);
  • E tre aspetas (perfetiva e nonperfetiva, e stativa).
*Nota ce gramatica latina vide la contrasta entre perfeta e nonperfeta como un parte de tempo.

La table a su mostra la finis de infleta comun per la modo indicativa en la vose ativa en la ses tempos. En la tempo futur, la finis prima listada es per la conjugas un e du, e la finis du es per la conjugas tre e cuatro:

Tempo Person prima singular Person du singular Person tre singular Person prima plural Person du plural Person tre plural
Presente -ō/m -s -t -mus -tis -nt
Nonperfeta -bam -bās -bat -bāmus -bātis -bant
Futur -bō, -am -bis, -ēs -bit, -et -bimus, -ēmus -bitis, -ētis -bunt, -ent
Perfeta -istī -it -imus -istis -ērunt
Pluperfeta -eram -erās -erat -erāmus -erātis -erant
Futur perfeta -erō -eris -erit -erimus -eritis -erint

Verbos ave ance formas infinitiva, partisipial, jerundial, jerundiva, e supina:

  • Infinitiva: Un forma derivada de un verbo cual indica la ata o state, sin spesifia un sujeto, tempo, o aspeta, comun usada como la forma fundal de la verbo.
  • Partisipio: Un forma derivada de un verbo, ma usada como un ajetivo o un nom cual sinifia ce on fa la ata o state de la verbo (ativa), o ce on es la ojeto de la ata (pasiva).
  • Jerundio: un forma derivada de un verbo, ma cual funsiona como un nom en la casos acusativa o ablativa, spesial per indica intende.
  • Jerundiva: jerundiva - un forma derivada de un verbo, ma cual funsiona como un ajetivo cual sinifia ce alga ata debe es fada.
  • Supina: un forma derivada de un verbo, ma cual funsiona como un nom en la casos acusativa o ablativa, spesial per indica intende.
Gramaticas

AitianArabiCatalanDeutxElefenEnglesEspaniolEsperantoFransesGotoInterlinguaItalianLatinaOsitanRomanianRumansRusceTibetanXines