Lagos Grande de Africa

De Vicipedia
Un mapa de la Lagos Grande de Africa
Pexores a Lago Victoria a lus final

La Lagos Grande de Africa (suahili: Maziwa Makuu) es un serie de lagos composante un parte de la lagos de la Vale de Falion. Los inclui Lago Victoria, la lago de acua dulse tre en grandia, e Lago Tanganyika, la lago du en grandia. En tota, los conteni 31,000 km3 de acua, plu ca o Lago Baikal o la Lagos Grande de America Norde. Los conteni sirca 25% de la acua dulse (nonjelida) de la planeta.

La lagos grande de la falion de Africa es la abitada antica de un biodiversia multe grande. Sirca 10% de la spesies de pexes abita ala.

La nasiones en la rejion de la lagos inclui Burundi,la Republica Democrata de Congo, Cenia, Ruanda, Tanzania, Uganda, Zambia, Malaui, e Mosambic. Un confere ia aveni en Uganda en 2017 sur la crese de la rejion. La rejion, do bordas de la eda colonial talia tra grupos etnical, ia es un crisol de desacorda en la 20 anios pasada, con multe rebelas e invades. La Nasiones Unida, la SUA, e alga nasiones european ave diplomatas e representores per aida manteni pas ala.