Impero de Timur

De Vicipedia
Jump to navigation Jump to search
La Impero (verde oscur) e areas cual sufri de atacas par la impero (verde pal)
Un reconstrui de la fas de Timur

La Impero de Timur ia es un impero turcica-mongol composada de la areas moderna de Uzbecistan, Iran, la Caucasos, Irac, Afganistan, la plu de Asia sentral, e partes de India, Pacistan, Suria, e Turcia.

La impero ia es fundida par Timur, un xef de gera turcica-mongol, en 1370, e ia rena asta sua mori en 1405. El ia vide se como la restoror grande de la Impero Mongol de Txingis Han. An si el no ia desende de Txingis, el vide se como la eritor de Txingis e ia asosia multe con la Borjigin (mongol: Боржигин), la familia renante de la Impero Mongol.

La impero ia developa un renase cultural pos la concista de Persia, con un renase de depinta, caligrafia, arciteta, e leteratur cual ia integra la cultur tradisional de Persia e la cultur turcica-mongol.

La dinastia de Timur ia perde la plu parte de Persia a la federa de Aq Qoyunlu en 1467, ma membros de sua dinastia ia continua rena statos plu peti, a veses conoseda como la amirias de Timur, en Asia sentral e partes de India. En la sentenio 15, Babur, un prinse de la dinastia de Timur de Fergana (Uzbecistan), ia invade Cabulistan (Afganistan) e ia funda un rena peti ala, e de ala 20 anios plu tarda, el ia invade India e ia funda la Impero Mogol.