Emion

De Vicipedia
Un emion mongol
Un mapa de la estende de emiones (e relatas prosima) en la pasada e la presente: pal brun - estima de la estende pasada; jala - estende presente; orania - areas de reintrodui

La emion (Equus hemionus), acc la asino savaje asian, es un spesies de la familia Equidae (pd cavalo) nativa a Asia. Un membro de la suspesie asinus, la emion ia es descriveda par la zolojiste deutx Peter Simon Pallas en 1775. Sinco suspesies ia es reconoseda, de cual un es estinguida.

La emion es plu grande ca la asina savaje african. Lo pesa 290 kg con un longia (testa e corpo) de 2.1 metres. Los es brun rojin o brun jalin e ave un banda en la media de sua dorso. No como la plu de cavalos e asinos, emiones ia es nunca domada. Los es entre la mamales la plu rapida e pote core tan rapida como 64 km per ora a 70 km per ora. Los es relatada prosima a la asino savaje african, con cual los comparti la mesma asendente. La kiang, en la pasada videda como un suspesie de emion, aora es videda como un spesie distinguida.

La emion ia ave un estende plu vasta en la pasada, de Asia sude-ueste, sentral, e norde: Israel, Arabia Saudi, Irac, Urdun, Suria, Afganistan, Rusia, e Sibir. La asino savaje european ia estende tra Europa asta la eda de bronze. En la sentenio 20 temprana, la spesies ia perde la plu de sua estendes en Asia sude-ueste e Asia este. Oji, emiones abita la desertos e otra rejiones seca de Iran, Pacistan, India, e Mongol, e en la desertos calda e fria de Asia central: Cazacstan, Uzbecistan, Turcmenistan, e Xina ueste.

En ajunta a desertos, los abita en savanas, planos, e stepes. Como multe otra animales grande ci come a pasto, sua estende ia redui multe su la presa de mata nonlegal e la perde de abitada. De la sinco suspesies, un es estinguida, du es menasada, e de es cuasi menasada. Emiones persian es en la prosede de es introduida en Asia sude-ueste como un sustitui per la asino savaje estinguida de Suria en la Penisola Arabi, Israel, e Urdun.