Cultur de vasos cardian

De Vicipedia
Jump to navigation Jump to search
Europa, en la eda neolitica media, 4500-4000 aec; la cultur cardian es en verde.
Un vaso decorada con marcas de la conca de la cardio

La cultur cardian es un cultur neolitica marcada par un stilo de decora de vasos cual reseta sua nom de la impresa de la arjila con la conca de la cardio (molusco), un molusco de mar comeable (Cerastoderma edule). Un otra nom per la cultur es la cultur de seramica impresada, car otra ojetos ia es ance usada per decora seramica, como un ungia o peten. La cultur ia estende ultima de la Mar Adriatica a la costa de la Mar Atlantica de Portugal e sude a Magreb.

La plu vea indicas de la cultur, de sirca 6400 a 6200 aec, es en Epiro e Corfu. Vilas apare alora en Albania e Dalmatia a la costa este de la Adriatica, datida a entre 6100 a 5900 aec. La data la plu vea en Italia es de Coppa Nevigata a la costa este de la Adriatica de Italia sude, posible tan temprana como 6000 aec. Ance en la cultur Su Carroppu en Sardinia, esemplos de esta vasos cardial apare sirca la mesma eda. La cultur ia sperde rapida a Iberia sirca 5500 aec, indicante un rapida de sirca un o du sentenios per sperde la 2000 km entre Genoa a la Rio Mondega. Esta sujeste ce la cultur ia estende par barcos, fundinte colonias longo la costa.

La colonistes cardial prima en la Adriatica pote ia veni direta de la Levante. Vasos impresada ia es trovada en Suria norde, Filastin, e Lubnan. Ma la cultur pote ance es veni de Africa norde, e vasos impresada ia ance apare en Egipte.