Codigo de Morse

De Vicipedia

La codigo de Morse es nomida per Samuel F. B. Morse (1791-1872), un depintor e fundor de la Academia Nasional de Desinia, ci, con Alfred Vail (1807-1859), un maciniste e inventor, e Joseph Henry (1797-1878), un fisiciste, developada telegrafia eletromagnetal e la codigo cual asinia un grupo de "puntos" e "ifenes" (pulsas corta e longa) a cada letera de la alfabeta per engles. La telegraf prima operante ia es produida en 1836. Esta permete ce la transmete de informa tra cualce distantia es posible. La mesaje prima en la codigo de Morse - "Cual cosa Dio ia fabrica?" - ia es enviada de Washington, D.C. a Baltimore en 1844.

Oji, telegrafistes capas pote reseta testos sin la nesesa per scrive cuando los reseta, e cuando transmete, pote conversa fasil a 20 a 30 parolas per minuto. La codigo de Morse va es sempre un modo bon per furni comunica fidable en situas difisil en comunica.

La codigo de Morse pote es transmeteda usante sona o lus, cuando aveni a veses entre barcones a mar. Lo es usada en crises per transmete siniales de angusa cuando no otra modo de comunica es posible. La sinial internasional de angusa es ...- - -... (pd, SOS).

De desembre 2003, la codigo de Morse ia inclui la simbol @, un combina de A e C (.-.-.) e es la cambia prima a la sistem de ante la Gera Mundal 2.

La codigo pote es usada per transmete mesajes en multe linguas estra engles. Per linguas cual no usa la alfabeta latina, otra varias es usada. On ave varias per alfabetas elenica, cirilica, arabi, e ivri, e per nion, un varia nomida la codigo Wabun, cual lia la silabas de la catacana e hiragana a codigos spesifada. La codigo per la hangul per corean usa la "SKATS" (sistem de transletera per la alfabeta corean normal), developada orijinal per permete la tape de corean sur tapadores ueste.

La article un de la Declara Universal de Diretos Umana (engles en codigo de Morse):

.- .-.. .-.. / .... ..- -- .- -. / -... . .. -. --. ... / .- .-. . / -... --- .-. -. / ..-. .-. . . / .- -. -.. / . --.- ..- .- .-.. / .. -. / -.. .. --. -. .. - -.-- / .- -. -.. / .-. .. --. .... - ... .-.-.- / - .... . -.-- / .- .-. . / . -. -.. --- .-- . -.. / .-- .. - .... / .-. . .- ... --- -. / .- -. -.. / -.-. --- -. ... -.-. .. . -. -.-. . / .- -. -.. / ... .... --- ..- .-.. -.. / .- -.-. - / - --- .-- .- .-. -.. ... / --- -. . / .- -. --- - .... . .-. / .. -. / .- / ... .--. .. .-. .. - / --- ..-. / -... .-. --- - .... . .-. .... --- --- -.. .-.-.-