Beliz

De Vicipedia
Jump to navigation Jump to search
Beliz
Belize
Flag of Belize.svg Coat of arms of Belize.svg
BLZ orthographic.svg
Informa jeneral
Capital: Belmopan
Lingua ofisial: Engles
Dirije
Governa: Monarcia constitual parlamental
- Xef de stato: Elizabeth 2
- Xef de governa: Dean Barrow
Otras
Area: 22 966 km²
Popla: 335 188
Densia: 14.5
PIB: US$ 2 800 milion
Mone:
Zona de ora: -6
Numero de telefon: +501
Interede: .bz
Belize map.png

Beliz (en engles Belize, en creol belizean Bileez, en espaniol Belice) ante Onduras brites, es un pais nondependente en la costa este de America Sentral. Lo ave fronteras a norde con Mexico, a ueste e sude con Guatemala e a este con la Mar Caribe. Sua area es 290 cilometres longa e 110 cilometres larga. La site capital es Belmopan.

La area es sirca 22 966 cilometres cuadrida e la cuantia de abitores, en la anio 2007, ia es sirca 294 385 persones. Sua densia de popla es la plu basa de America Sentral. La taso de crese es de 1,87% per anio (2015), la du plu alta en la rejion e un de la plu alta en la emisfera ueste.

La sivilia maia ia estende a la area de Beliz entre 1500 aec e 300 ec e ia flori asta 1200. Campanias de esplora european ia comensa en 1502 cuando Cristoforo Colombo ia naviga longo la Golfo Onduras. Colonias european ia comensa con la colonistes engles en 1638. Esta periodo ia es ance marcada par reclamas sur la area de Espania e Britan asta ce Britan ia vinse Espania en la batalia de la caio San Jorjio (1789) Lo ia deveni un colonia brites en 1840, conoseda como Onduras Brites, e un colonia de la Corona en 1862. La pais ia ateni nondepende de Rena Unida en 21 setembre 1981.

Beliz ave un sosia diversa cual es composada de multe cultures e linguas cual refleta sua istoria rica. Engles es la lingua ofisial de Beliz, en cuando creol belizan es la lingua nasional la plu parlada (32.9%), esente lingua prima de plu ca un tri de la abitores. Plu ca la dui de la popla es multilingual e espaniol es la lingua du la plu parlada (46%). Otra linguas parlada es maia (8.9%), garifuna (3.4%) e deutx 3.3%. La pais es conoseda par sua Selebras de Setembre e sua parador de coral.

La abunda de spesies teran e maral e sua diversia de ecosistemes fa ce Beliz ave un loca xef en la Coredor Biolojial Mesoamerican. Lo es considerada un nasion caribe e de America Sentral. Lo es membro de la Comunia Caribe (CARICOM), la Comunia de Statos Latina e CAribe (CELAC) e la Sistem de Integra de America Sentral (SICA), esente la sola pais membro en la tre organizas rejional. Beliz es parte de la Comunia de Nasiones e la rea Elizabeth 2 es sua monarca e xef de stato.

Etimolojia[edita | edita la fonte]

La rejistra la plu temprana de la nom "Belize" apare en la jornal de la prete dominican Fray José Delgado, con data de 1677. Delgado ia rejistra la nomes de tre rios major cual el ia traversa en cuando el ia viaja a norde longo la costa caribe: Rio Soyte, Rio Xibum e Rio Balis. La nomes de esta vias navigable, cual coresponde a la Rio Sittee, la Rio Sibun e la Rio Beliz, ia es donada a Delgado par un traduor. Lo es probable ce la "Balis" de Delgado ia es vera la parola maia "belix" o "beliz" sinifiante "acua fangosa".

Alga ia sujesta ce la nom deriva de la pronunsia espaniol de la nom de la pirata scotes Peter Wallace, ci ia institui un colonia a la boca de la rio Beliz en 1683. On no ave probas ce Wallace ia colonia esta area e alga eruditas ia defini esta como un mito. Istoristes e scrivores ia sujesta otra etimolojias, incluinte orijinas franses e african.

Tema 6: Istoria de Beliz[edita | edita la fonte]

Istoria temprana[edita | edita la fonte]

Extent of the Maya civilization

La sivilia maia ia emerji a la min tre milenios aa en la terenos basa are de la Penisola Yucatan e la monatanias a sude, en la area de cual oji es Mexico sude-este, Beliz, Guatemala e Onduras ueste. Multe aspetas de esta cultur persiste en la area an con sirca 500 anios de domina european. Ante s 2500 aec alga xasores-coliores ia coloni la area en viletas cultiviste; los plu tarda ia doma granos como mais, favas e zucas.

Un colie de linguas e sucultures ia developa en la cultur maia. Entre s 2500 aec e 250 ec, la instituidas fundal de la sivilia maia ia emerji. La apico de esta sivilia ia aveni en la periodo clasica, cual ia comensa en 250 ec.

"Caana" en Caracol
"El Castillo" en Xunantunich

Sivilia maia[edita | edita la fonte]

La sivilia maia ia estende tra cual oji es Beliz a sirca 1500 aec e ia flori ala asta s 900. La istoria rejistrada de la rejiones sude e media es dominada par Caracol, un sentro political urban cual ta ave 140 000 persones. A norde de la Montes Maia, la sentro political la plu importante ia es Lamanai. En la eda clasica de la sivilia maia (600-1000 ec) cisa tan multe como milion persones ia abita en la rejion cual es aora Beliz.

Cuando la esplorores espaniol ia ariva en la sentenio 16, la area cual es aora Beliz ia inclui tre teritorios maia diferente: provinse Chetumal, cual ia inclui la area a sirca la Baia Corozal; provinse Dzuluinicob, cual ia inclui la area entre Rio Nova e la Rio Sibun, a ueste de Tipu; e un teritorio a sude controlada par la maia manche ch'ol, incluinte la area entre la Rio Mono e la Rio Sarstoon.

Periodo colonial temprana (1506–1862)[edita | edita la fonte]

La concistores espaniol ia esplora la tera e ia declara lo parte de la Impero Espaniol ma no ia coloni lo par sua manca de furnis e la tribus enemin de Yucatan.

Piratas engles ia visita nonperiodal la costa de cual oji es Beliz, xercante un refuja de cual los ta pote ataca barcones espaniol e corta arbores de campexe (Haematoxylum campechianum). Esta ia furni un fisante valuosa per tinjes de vestes, e ia es un de la modos prima de oteni un negra permanente ante la ariva de tinjes artifis. La espanioles ia dona a la colonistes brites deretos per ocupa la area e corta campexe par intercambia per sua aida supresante piratia.

An excerpt from the 1898 Gazette that declared 10 September an official holiday, part of the efforts of the Centennial Committee

La brites ia asinia prima un supravidor sur la area de Beliz en 1786. Ante alora, la governa brites no ia reconose la comunia como un colonia, par teme de provoca un ataca espaniol. La pospone en la supravide par la governa ia permete a la colonistes institui sua leges e formas de governa propre. En esta periodo, alga colinistes susedosa ia gania controla de la legeria local, conoseda como Public Meeting, como ance de plu de la tera e lenio de la colonia.

Tra la sentenio 18, la espanioles ia ataca Beliz cada tempo ce la gera ia eruta con Britan. La batalia de Caio San Jorj ia es la ultima de lutas. Lo ia aveni en 1798 entre un flotila espaniol e un fortia de baymen e sua sclavos. De la 3 a la 5 setembre, la espanioles ia atenta ariva a la parador de arena de Caio Montego, ma los ia es blocida par la defendores. La atenta ultima de Espania ia aveni la 10 setembre, cuando la baymen ia repulsada la flotila espaniol en un luta corta con no vitimes en cada lado. La aniversario de la batalia ia es declarada un festa nasional en Beliz e lo es selebrada per onora la "belizeanes prima" e la defende de sua teritorio.

Como parte de la Impero Brites (1862-1981)[edita | edita la fonte]

En la sentenio 19 temprana, la brites ia atenta reformi la colonistes, menasante con suspende la Public Meeting estra cuando loa ia oserva la instruis de la governa per elimina completa sclavoa. A pos un jenera de disputas, sclavia ia es abolida en la Impero Brites. Como resulta de la abilias de la sclvos per estrae mogano, la propiores en Onduras Brites ia es compensada con £53,69 per sclavo en promedia, la plu alta paiada en cualce teritorio brites.

An tal, la fini de sclavia ia fa pico per cambia la de condisiones de labora de la sclavos antica si los resta en sua comersia. Un serie de instituidas ia restrinje la capasia de individuas de compra tera, en un sistem de slavia par detas.

Taliores pasada “estraspesial” de mogano o campexe ia es importante en la descrives temprana de la capasias (e donce la limitas) de persones de desende african en la colonia. Par causa ce un elite peti ia controla la tera e comersia de la colonia, sclavos pasada sola ia pote labora cortante lenio.

En 1836, pos la nondepende de America Sentral, la brites ia clama reclama la direto de maneja la rejion. En 1862, Britan ia declara lo como un Colonia de la Corona Brites, suordinada a Jamaica, e ia nomi lo Onduras Brites.

Como colonia, Beliz ia comensa atrae investores brites. Entre la companias brites cual ia domina la colonia en la sentenio 19 tarda ia es la Belize Estate and Produce Company, cual a fini ia otenia la dui de tota la tera poseseda privata e ia elimina sclavia. La influe de Belize Estate es justida en parte par la depende de la coloni en comersia de mogano tra la resta de la sentenio 19 e la prima dui de la sentenio 20.

La Depresa Grande de la desenio de 1930 ia cuasi colasa la economia de la colonia cuando la demanda brites de lenio ia declina rapida. La efetos de nonemplea estendeda ia es malida par la siclon cual ia colpi la colonia en 1931. Persepis de la efortia de aida de la governa ia es videda coo nonsufisinte e ia es malida par sua refusa de legali sindicatos o introdui salario minima. La condisiones economial ia boni en la Gera Mundal Du cuando multe belizeanes ia entra en la fortias armada o ia aida en la gera.

A pos la gera, la economia de la colonia ia stania. La deside de Britan de desvalua la dolar belizean en 1949 ia mali la condisiones economial e ia gida a la crea de la Comite de la Popla, cual ia demanda nondepende. La seguor de la Comite de la Popla, la Partito Unida de la Popla, ia xerca reformas constitual cual ia estende la diretos de vota a tota adultas. La eleje prima su diretos de vota universal ia aveni en 1954 e ia es ganiada par la Partito Unida de la Popla, comensante un periodo de tre desenios en cual esta partito ia domina la politica de la pais. La ativiste per nondepende George Cadle Prince ia deveni la gidor de la partito en 1956 e la xef de governa en 1961, un posta cual ta ave con otra nomes asta 1984.

Su un constituida nova, Britan ia dona autogoverna a Onduras Brites en 1964. A 1 junio 1973, Onduras Brites ia es ofisial renomida Beliz. Progresa a nondependen, an tal, ia es impedida par la disputal teritorial con Guatemala.

Belize nondependente (de 1981)[edita | edita la fonte]

Beliz ia reseta nondepende a 21 setembre 1981. Guatemala ia refusa reconose la naion nova par causa de sua disputa con la colonia brites, reclamante Beliz per Guatemala. Sirca 1 500 soldatos brites ia resta en Beliz per preveni cualce posible invade.

Con Price como gidor, la Partito Unida de la Popla ia gania tota la elejes national asta 1984. En acel eleje, la prima pos nondepende, la PUP ia es vinseda par la Partito Democrata Unida, de cual la gidor, Manuel Esquivel, ia suistitui Price como ministro xef, e Price ia perde sua seja en la Casa de Representores. La PUP su Price ia reveni a potia pos elejes en 1989. A la anio seguente la Rena Unida ia anunsia ce lo ta fini sua relata militar con Beliz, e ce la RAF ta es retirada acel anio (los ia es ala de 1980). La soldatos brites ia es retirada en 1994, ma la Rena Unida ia lasa un uni de instrui militar per aida la Fortias de Defende de Beliz.

La UDP ia regania la potia en la elejes nasional de 1993, e Esquivel ia deveni ministro xef un ves du. Pronto a pos, Esquivel ia anunsia la suspende de un trata con Guatemala de la tempo de Price, disente ce el ia fa tro multe consedes per gania reconose de Guatemala. La trata ia ta restrinje la disputa sur la frontera entre ambos paises. La tensas en la frontera ia continua asta la comensa de la desenio de 2000, an si la paises ia coopera en otra areas.

La PUP ia ave un vinse inondante en la elejes nasional de 1998 e sua gidor, Said Musa, ia deveni ministro xef. En la eleje de 2003 la PUP ia manteni sua majoria e Musa ia continua como inistro xef. El ia promete boni la condisiones en la sudevelopada e nonasedable sude de la pais.

En 2005 on ia ave un turba causada par la noncontente con la governa de la PUP, incluinte un aumenta de impostas en la bujeta nasional. En 8 febrero 2008, Dean Barrow ia deveni ministro xef a pos la UDP ia ave un vinse inondante. Barrow e la UDP ia es relejeda en 2012 con un majoria plu min. Barrow ia gida la UDP a un vinse tre seguente en novembre 2015, aumentante la numero de sejas de la partito de 17 a 19. An tal, el ia dise ce acel eleje ta es sua ultima como gidor de la partito e la partito es preparante per eleje sua seguor.


Jeografia de Beliz[edita | edita la fonte]

Mapa topografial de Beliz

Beliz es parte de America Sentral e la Caribe. Jeografial, lo es parte de la Penisola Yucatan.

Lo limita con la stato mexican de Quintana Roo a norde, con la departe guatemalteca de Petén a ueste, e con la departe guatemalteca de Izabal a ueste. A este de la Mar Caribe, lo ave la parador de coral la du plu grande en la mundo. La area es de 22 960 cilometres cuadrida ma la lagones longo la costa e en la interna a norde redui la area de tera a 21 400 cilometres cuadrida.

La forma simil a un retangulo de Beliz ave 280 cilometres de norde a sude e 100 cilometres de este a ueste. La rios Hondo e Sarstoon defini la fronteras norde e sude de la pais. La frontera ueste traversa bosces e terenos alta.

La norde de Beliz es formida par planos costal pantanosa e bosces spesa. La sude ave la Montes Maia. La apico la plu alta de Beliz es Doyle's Delight. con 1 124 m.

Organiza teritorial de Beliz[edita | edita la fonte]

Belize, administrative divisions - es - monochrome.svg

Beliz es divideda en ses distritos:

Distrito Capital Area (km²) Area (sq. mi) Abitores (2010)
Bileez Belize City 4,204 1,623 89,247
Cayo District San Ignacio 5,338 2,061 73,302
Corozal Corozal 1,860 718 40,324
Orange Walk Orange Walk 4,737 1,829 45,419
Staan Creek Dangriga 2,176 840 32,166
Toledo Punta Gorda 4,649 1,795 30,538

Estas distritos es divideda en 31 sejas.

La governa local es composada de cuatro tipos de autorias local: comites de site, comites de vila, comites de vileta e comites de comunia. La du comites de site (Belize City e Belmopan) e sete comites de vila covre la popla urban de la pais en cuando la comites de vileta e de comunia covre la popla campanial.

Sites[edita | edita la fonte]

La sites plu grande es:

  1. Belize City, BZ - 70,800
  2. Orange Walk, OW - 17,300
  3. San Ignacio, CY - 16,800
  4. Belmopan, CY - 13,500
  5. Dangriga, SC - 10,800
  6. Corozal, CZ - 8,900
  7. San Pedro, BZ - 8,500
  8. Benque Viejo del Carmen, CY - 7,200
  9. Punta Gorda, TO - 5,000

Politica[edita | edita la fonte]

Beliz es un monarcia constitual parlamental. La strutur de governa es fundida sur la sistem parlamental brites, e la sistem legal es modelida sur la lege comun de England. La xef de stato e la Rea Elizabeth 2, ci ave la titulo de Rea de Beliz. La rea vive en Rena Unida e ave un representor en Beliz, la Governor-Jeneral. La potia de esecuta la ave la consilio, cual consela la Governor-Jeneral e es gidada par la Ministro Xef de Beliz, ci es la xef de governa. La ministros de la consilio es membros de la partito political major en parlamento.

La pais ave un legeria o Asembla Nasional con du salones: la Casa de Representores e la Senato. La 31 membros de la Casa es elejeda a cada sinco anios par la popla. La Governor-Jeneral nomi la 12 membros de la Senato, esente la presidente de la Senato elejeda par la membros.

La potia de legi es divideda entre la governa e la Parlamento de Beliz. Securis constitual inclui libria de parla, de jornalisme, de adora, de move e de asosia. La juderia es nondependente de la potia de esecuta e de la legeria.

La membros de la juderia nondependente es nomida. La sistem judal inclui judores local grupida en la Corte de Judores, cual escuta casos min seria. La Corte Suprema (Judor Xef) escuta casos grave como asasina, e la Corte de Apela escuta a individuas condenada ci vole es descondenada. La acusadas pote, en alga casos, apela a la Corte Caribe de Justia.

Economia[edita | edita la fonte]

Beliz ave un economia comersial privata fundida xef sur cultiva e industria de cultiveria con turisme e construi ateninte plu importa. La pais produi minerales e petrolio. En cultiva, zucar es la gran xef, esente la dui de la esportas, en cuando la industria de la banana es la empleor la plu grande.

La governa nova fronti defias importante per stabilia economial. Ata rapida per boni colie de impostas ia es prometeda, ma un manca de progresa en controla spende pote presa la taso de interecambia. La dolar belizan es fisada a la dolar esuan a un proportio 2:1.

Industria domestica es limitada par causa de custa alta de labora e enejia e un mercato domestica peti. Turisme atrae la plu parte de investi stranjer direta an si investi stranjer importante es trovada en enerjia, telecomunica e cultiva.

Relijio[edita | edita la fonte]

80% de la popla es cristian, de ci 49,6% es catolica e 29% protestante. Lo ave 3 300 mormones e ance ortodoxes elinica.

Lias esterna[edita | edita la fonte]


Paises de America Sentral model
Beliz | Costa Rica | Salvador | Guatemala | Onduras | Nicaragua | Panama