Antropolojia

De Vicipedia
Franz Boaz (1858-1942) – un antropolojiste famosa
Esta es la article Antropolojia. La categoria Antropolojia conteni plu articles sur antropolojia.

Antropolojia (άνθρωπος ("umana" en elinica) e "-lojia") es la studia de umanas, incluinte los de otra edas e tota areas de la mundo. La conseta de cultur es fundida en antropolojia. On considera ce la cultur es un cualia fundal de la natur umana, e ce la umanas ave la capasia de comprende la mundo en modo simbolal, de aprende e de tradui simboles, e de muta la mundo usante esta simboles.

Campos[edita | edita la fonte]

La antropolojia es un disiplina global envolvente la siensas umana, sosial e natural. La antropolojia construi sur la conose de la siensas natural, incluinte la descovres sur la orijina e evolui de la Homo sapiens, la cualis fisica umana, la condui umana, la varias entre la diferente etnicos, como la pasada evolual de la Homo sapiens ia influe sua organiza sosial e cultur, e de la siensas sosial, incluinte la organiza de relatas umana sosial e cultural, instituidas, disputas sosial, etc. La antropolojia temprana ia orijina en Elas clasica e Persia e ia studia e atenta comprende diversia cultural oservable. Como tal, la antropolojia ia es sentral en la developa de diversa campos intercampal nova (sentenio 20 tarda) como siensas cognisial, studias global e studias etnical.