Rio Ienisei

De Vicipedia
Jump to navigation Jump to search
Un mapa de la Rio Ienisei
La Ienisei (a sinistra) e la Rio Ob entra la Mar Cara (nota ce la sude es a alta en esta imaje)
La Rio Ienisei, videda de la ferovia trans-sibir prosima a Crasnoiarsc

La Rio Ienisei (rusce: Енисе́й, Yeniséy; mongol: Енисей мөрөн, ienisei mörön; buriat: Горлог мүрэн, Gorlog müren; tuvan: Улуг-Хем, Uluğ-Hem; hacas: Ким суғ, Kim suğ, comun scriveda como Yenisey, Enisei, o Jenisej) es la sistem de rios sinco en grandia en la mundo, e la plu grande cual esflue en la Mar Artica. Comensante en Mungaragiyn-gol en Mongol, lo segue un curso norde ante vacui se en la Golfo Ienisei en la Mar Cara. La Ienisei divide la plano de Sibir ueste de la plano alta de Sibir sentral. Lo vacui un parte grande de Sibir sentral. Lo es un de la tre rios sibir cual esflue en la Mar Artica (la otras es la Rio Ob a la ueste e la Rio Lena a la este). Lo es masima 24 metres profonda, con un promedia de 14 metres.

La basin de la Rio Ienisei (no incluinte Lago Baical e la lagos de la comensa de la Rio Hantaica) es abitada par 55 spesies de pexes nativa, incluinte du endemicas: gobios (Gobio sibiricus) e timolos (Thymallus nigrescens). La plu de pexes trovada en la basin es cuasi sperdeda vasta en Sibir e an Rusia european. La rio conteni ance multe membros de la familia de salmon, e la sturion sibir (Acipenser baerii).

La vale de la Rio Ienisei conteni multe plantas e animales. La pino sibir e larix sibir es la spesies de arbores plu comun. En edas preistorial (Pinus sylvestris) ia es comun, sirca 6000 aec. On ave multe spesies de avias ance, incluinte la corvo capida (Corvus cornix). La manada migrante de renos, la manada la plu grande en la mundo, abita longo la pastos de inverno.

Tribus nomada, como la poplas cet e iug, ia abita longo la rivas de la Rio Ienisei de edas antica, e esta rejion es la loca de la familia de linguas ieniseian. La cet, sirca 1000 persones, es la sola surviventes de los ce ia abita orijinal tra Sibir sude-sentral prosima a la rios. Su relatas estinguida inclui la cotes, asanes, arines, baicotes, e pumpocoles ci ia abita plu sude. La cet ia abita en la areas este-sentral de la rio ante es asorbeda political en Rusia en la sentenios 17-19.

Alga de la indicas la plu vea de la turcicas orijinal ia es trovada en la vale de la Ienisei en la forma de petras-de-tombas e tabletas de la sentenios 7-9 ec, con alga documentos cual ia es trovada en la rejion Xinjiang de Xina. La documentos reporta de batalias entre la popla turcica e la xines, e alga lejendas. On ave ance esemplos de poesia uigur, an si la plu ia survive sola en traduis xines. Trigo de la ienisei ia es vendeda par muslimes e uigures a sogdianes e buharanes en la rena de la Dinastia Tahiran en sentenio 9 ec.

Rusces ia ateni la Rio Ienisei alta en 1605, viajante de la Rio Ob, contra la flue de la Rio Cet, portante e alora con la flue de la Rio Ienisei tan distante como la Rio Sim. En la Gera Mundal 2, Deutxland e la Impero Japanes ia acorda ce los ta divide Asia longo un linia cual segue longo la Ienisei asta la borda con Xina, e alora longo la borda de Xina e Rusia. Clar, los fali sua intende.