Paraguai

De Vicipedia
Republica de Paraguay
República del Paraguay
Tetã Paraguái
Informa jeneral
Capital: Asunsion
Lingua ofisial: Espaniol e guarani
Dirije
Governa: Republica presidental
- Xef de stato: Presidente Horacio Cartes
- Xef de governa: Vispresidente Juan Afara
Otras
Area: 406 752 km²
Popla: 6 854 536
Densia: 16,9
PIB: USD 58 280 milion
Mone:
Zona de ora: UTC−4
Numero de telefon: +595
Interede: .py

Paraguai (ofisial la Republica de Paraguai) es un pais sin costa en America Sude sentral, bordada par Arjentina a la sude e sude-ueste, Brasil a la este e norde-este, e Bolivia a la norde-ueste. Lo es situada a ambos rivas de la Rio Paraguai, cual flue tra la media de la pais, de norde a sude. Paraguai es un de la du paises sin costa estra Afro-Eurasia (la otra es Bolivia).

La popla guarani ia abita en Paraguai tra a la min un milenio ante la concista de la teritorio par la espanioles en la sentenio 16. Colonistes espaniol e misiones jesuita ia introdui cristiania e cultur espaniol a la rejion. Paraguai ia es un colonia periferial de la Impero Espaniol, con poca sentros urban e colonistes. Pos autonomi de Espania en 1811, Paraguai ia es renada par un serie de tiranos ci ia reali jeneral politicas isoliste e protejiste.

Pos la desastre de la Gera Paraguai (1864–70), la pais ia perde entre 60 e 70 persentos de sua popla par causa de gera e maladia, e sirca 140 000 cilometres cuadrida (un cuatri de sua teritorio) a Arjentina e Brasil.

Tra la sentenio 20, Paraguai ia continua sufri un serie de governas autoritariste, culminante con la rena de Alfredo Stroessner, ci ia gida la tirania militar la plu longa de America Sude entre 1954 e 1989. El ia es desponeda par un colpa militar interna, e elejes libre multipartital (incluinte la legali de partitos comuniste) ia es organizada a la ves prima en 1993. A un anio plu tarda, Paraguai ia junta se con Arjentina, Brasil e Uruguai per fundi Mercosur, un colabora economial rejional.

En 2009, on ia estima la popla de Paraguai a sirca 6,5 milion persones, de ci la plu es consentrada en la rejion sude-este de la pais. La capital e site la plu grande es Asunción, de ci sua area urban casi cuasi un tri de la popla de Paraguai. Contrastada con la plu de nasiones de America Latina, la lingua e cultur nativa de Paraguai, guarani, resta multe influosa. En cada conta, abitores identifia se xef como de raza miscada, refletante anios de intersposi entre la etnicos diversa. On reconose guarani como un lingua ofisial a lado de espaniol, e ambos linguas es comun parlada en la pais.

La area es sirca 406,750 cilometres cuadrida.


Paises de America Sude model
Arjentina | Brasil | Txile | Paraguai | Uruguai | Bolivia | Peru | Ecuador | Colombia | Venezuela | Guiana | Suriname | Guian Franses