Ecuador

De Vicipedia
Republica de Ecuador
República del Ecuador
Informa jeneral
Capital: Cito
Lingua ofisial: Espaniol
Dirije
Governa: Republica presidental democrata
- Xef de stato: Presidente Guillermo Lasso
- Xef de governa: Vispresidente Alfredo Borrero
Otras
Area: 256.370 [1] km²
Popla: 16 298 217
Densia: 58,49
PIB: 104 980 milion
Mone:
Zona de ora: UTC -5 a UTC -6
Numero de telefon: +593
Interede: .ec

Ecuador (ofisial la Republica de Ecuador) es un pais en la norde-ueste de America Sude. Lo es bordada par Colombia a la norde, Peru a la este e sude, e la Mar Pasifica a la ueste. Lo inclui ance la Isolas Galapagos en la Mar Pasifica, a sirca 1000 cilometres a ueste de la tera xef. Lo es la pais la plu ueste cual es locada a la ecuator.

Lo ia casi grupos nativa diversa cual ia deveni gradal asorbeda par la Impero Inca en la sentenio 15. La teritorio ia es colonida par Espania en la sentenio 16, ateninte autonomia en 1820 como un parte de Colombia Grande, de cual lo ia emerji como sua propre pais en 1830. La erita de ambos imperos es refletada en la popla etnical diversa de Ecuador, do la plu de la 15,2 milion abitores es de raza miscada, segueda par minorias grande de desendentes european, nativa e african.

Espaniol es la lingua ofisial, parlada par un majoria de la popla, ma on reconose ance 13 linguas nativa, incluinte cetxua e xuar. La site capital es Quito, e la site la plu grande es Guayaquil. Per refleta la ricia de la erita cultural de la pais, UNESCO ia declara la sentro istorial de Quito como un Loca de Erita Mundal en 1978. Cuenca, la site tre de la plu grandes, ia deveni ance un Loca de Erita Mundal en 1999, como un esemplo eselente de un site colonial projetada de stilo espaniol en la interna de la Americas.

Ecuador ave un economia developante cual depende multe de petrolio e produidas cultival. On clasi lo como un pais de revenu media. Lo es un republica presidental democrata. Sua constitui nova de 2008 es la prima de mundo cual reconose diretos legal enforsable de ecosistemes. Ecuador es conoseda per sua ecolojia rica cual ospita multe plantas e animales endemica, como los de la Isolas Galapagos. Lo es un de 17 paises megadiversa en la mundo.

Sua area es sirca 283 560 cilometres cuadrida. En la anio 2007, lo ia ave un popla de sirca 13 755 680 persones.


Paises de America Sude model
Arjentina | Brasil | Txile | Paraguai | Uruguai | Bolivia | Peru | Ecuador | Colombia | Venezuela | Guiana | Suriname | Guian Franses
  1. http://www.exteriores.gob.es/Documents/FichasPais/Ecuador_FICHA%20PAIS.pdf