Bolivia

De Vicipedia
Stato Plurinasional de Bolivia
Estado Plurinacional de Bolivia
Informa jeneral
Capital: La Pas
Lingua ofisial: Espaniol
Dirije
Governa: Republica constitual presidental
- Xef de stato: Presidente Jeanine Áñez
- Xef de governa: Vispresidente vacant
Otras
Area: 1 098 581 km²
Popla: 10 027 254
Densia: 9,13
PIB: USD 69 962 milion
Mone:
Zona de ora: USD 69 962
Numero de telefon: +591
Interede: .bo

Bolivia (ofisial conoseda como la Stato Plurinasional de Bolivia) es un pais sin costa en la ueste sentral de America Sude. Lo es bordada a la norde e este par Brasil, a la sude-este par Paraguai, a la sude par Arjentina, a la sude-ueste par Txile, e a la norde-ueste par Peru. Un tri de la pais es la Andes, un cadena de montes.

La site la plu grande e la sentro xef de economia e finansia es Santa Cruz de la Sierra, situada sur la Llanos Orientales, un rejion jeneral plana en la este de la pais. Bolivia es un de sola du paises sin costa (la otra es Paraguai) estra Africa e Eurasia. Lo es jeogafial la pais sin costa la plu grande en la Americas, ma lo resta relativa peti en modos economial e militar.

Ante la coloni espaniol, la rejion Bolivia en la Andes ia es un parte de la Impero Inca, e la terenos basa en la norde e este ia es abitada par tribus autonom. Cuando concistores espaniol ia ariva de Cuzco e Asunción, los ia prende controla de la rejion en la sentenio 16. En la periodo colonial, Bolivia ia es dirijeda par la Corte Real de Charcas. Espania ia es multe aidada en construi sua impero par usa la arjento estraeda de la minas de Bolivia.

Pos un clama prima per autonomia en 1809, 16 anios de gera ia segue ante la institui de la republica, nomida per Simón Bolívar, a 6 agosto 1825. Pos autonomi, Bolivia ia esperia periodos de nonstablia political e economial, incluinte la perde a sua visinas de alga teritorios periferial, como Acre e partes de la Gran Chaco. Lo ia es sin costa de pos la propri de sua teritorio a la costa pasifica par Txile pos la Gera de la Pasifica (1879–84), ma acordas con paises visina ia permete ce lo ave asedes nondireta a la Mares Pasifica e Atlantica.

La popla de la pais, estimada como 11 milion persones, es multietnical, incluinte americanes orijinal, europeanes, asianes, africanes e persones de raza miscada. La separa razal e sosial causada par colonialisme espaniol ia continua en la eda moderna. Espaniol es la lingua ofisial e dominante, an si 36 linguas nativa ave ance la grado ofisial; la plu comun parladas es guarani, aimara e cetxua.

Bolivia moderna es constitual un stato uniforma, divideda a nove departes. Sua jeografia varia de la apicos de la Andes en la ueste asta la Terenos Basa Este en la Basin Amazonas. Lo es un pais developante, con grado media en la Indise de Developa Umana e un mesura de povria de 53%. Sua atas economial major inclui cultiva, cultiva forestal, mina, e la fabrica de benes como stofas, vestes, metales refinada e petrolio refinada. Bolivia es multe rica con minerales, spesial stanio.

Sua area es sirca 1 098 580 cilometres cuadrida. En 2007, lo ia ave un popla de sirca 9 119 152 persones. La site capital es La Pas.


Paises de America Sude model
Arjentina | Brasil | Txile | Paraguai | Uruguai | Bolivia | Peru | Ecuador | Colombia | Venezuela | Guiana | Suriname | Guian Franses