Maladia

De Vicipedia
Jump to navigation Jump to search
Un imaje de la bateria cual causa tuberculose, usante un microscopio eletronica de scane

Un maladia es cualce state cual resulta en la desordina de strutur e funsiona en un organisme cual no es la resulta de cualce feri esterna. La studia de maladias es nomida patolojia, cual inclui la studia de causas de maladias. Maladias es comun consetida como un state medical asosiada con sinias e sintomes spesifada. Lo pote es causada par fatores esterna como patojenes, o par malfunsionas interna, spesial de la sistem de imunia, per esemplo nonsufisia de imunia o un ipersensosa, incluinte alerjias e autoimunia.

Si causada par patojenes (pe malaria, par Plasmodio), la term maladia es comun usada en un modo malgidante en la leteratur siensal en loca de sua cuasa, la patojen. Esta abitua de lingua pote causa confusa en la comunica de la prinsipe de causa-efeto en epidemiolojia, and donce debe es descorajida forte.

En umanas, la parola "maladia" es comun usada en un modo plu estendeda per refere a cualce state cual causa dole, malfunsiona, turba, problemes sosial, o mori per la person sufrinte, o problemes simil per los ci contata esta person. En esta sinifia, lo inclui a veses feris, descapasias, desordinas, sindromes, infetas, sintomes isolada, condui deviante, e varias nontipal de strutur e funsiona. En otra contestos e per otra intendes, estas pote es videda como categorias nondistinguable. Maladia pote afeta persones no sola fisical, ma ance emosional, car la reseta de e vive con la maladia pote cambia la perspetiva cual la person ave de sua vive.

Mori causada par un maladia es nomida mori par causas natural. On ave cuatro tipos major de maladia: infetas, nonsufisientes, jenetica (eritada e noneritada), e fisiolojial. Maladia pote ance e clasida como transmetable e nontransmetable. La maladias la plu perilosa en umanas es maladias de la arterias de cor (la bloci de flue de sangue), seguenteda par maladias serebrovasculal e infetas de respira de la pulmon basa.