Linguas txibtxan
La linguas txibtxan (chibchan, chibchano) es un familia de linguas nativa a la area de Onduras este a Colombia norde, incluinte Nicaragua, Costa Rica, e Panama. La cor orijinal de la linguas, seguente datos jenetica e linguistica, es probable la area de la borda de Costa Rica e Panama, do on trova la cuantia de varias la plu grande de linguas txibtxan.
La linguas es tipal aglutinante, con parolas de du o tre a tan multe como nove o des. La plu de la complica morfolojial es an la verbos, cual conteni sufisas de tempor, aspeta, plurales, negativas, posa (sentante, stante, etc), e averbales variosa. La ordina de parolas es jeneral sujeto-ojeto-verbo, an si otras no es rara.
La familia conteni sirca 20 linguas esistente, e cuasi 10 estinguida. La linguas con la cuantia la plu grande de parlores es guna e guaimi: