Linguas mande

De Vicipedia
Jump to navigation Jump to search

La linguas mande es parlada en nasiones en Africa par la popla mandé e inclui [[maninca, mandinca (lingua), sonince (lingua), bambara (lingua), diula (lingua), bozo (lingua), mende (lingua), sus (lingua), e vai (lingua). Los inclui sirca 30 milione parlores, xef en Burcina Faso, Mali, Senegal, Gambia, Gine, Gine-Bisau, Siera Leon, Liberia, e Costa de Ivor. La linguas ia es tradisional videda como un ramo diverjente de la familia de linguas Nijer-Congo, ma acel ia es sempre controversal.

Linguas mande no ave la sistem de clases de nomes o estendes verbal de la linguas Atlantica-Congo e per cual la linguas bantu es tan famosa, ma bobo ave formas causativa e nontransitiva. La linguas mande sude-ueste e sonince ave muta de consonantes comensante. Pluralia es tipal marcada con un clitica o, en alga linguas como sembla, con tono. Pronomes comun ave distinguis alienable-nonalienable e incluinte-escluinte. Ordina de parolas en proposas transitiva es sujeto-aidante, ojeto-verbo-averbo. Posposadas es plu comun. En formulas nomin, posesentes vade ante la nom, e ajetivos e marcas de pluralia pos la nom; mostrantes es trovada en ambos locas.