Leteratur medieval

De Vicipedia
La Poesia de Mea Cid, esemplo de obra scriveda en lingua demotica en la eda medieval, en esta caso, castilian antica.

La leteratur medieval es un tema larga, ensircante sensal tota la obras scriveda en Europa e estra durante la Eda medieval (pd, la mil anios de la cade de la Imperio roman ueste asta la comensa de la Renase en la fin de la sentenio 15. La leteratur de esta epoca is es composada de scrivedas relijiosa e nonrelijiosa. Como en la leteratur moderna, lo es un campo de studio compleso e rica, con obras completa santa e profana, tocante tota la puntos entre la du.

Anonimia[edita | edita la fonte]

Un cuantia notable de leteratur medieval es anonim. Esta es per la interpreta de la rol de la autor cual ia es difere de interpreta romanticiste de la parola como nos usa oji. La autores medieval ia respeta frecuente la scrivores clasica e la Padres de la Eglesa e ia tende a renara storias cual ia oia en loca de inventa istorias nova. E an cuando los lo fa, los frecuente ia dise cual ia es pasante istorias de otra autores. De esta punto de vista, la nomes de autores individual ia pare min importante, e donce multa obras importante ia es nunca atribuida a alga persona spesifica.

Linguas[edita | edita la fonte]

Linguas erudita[edita | edita la fonte]

La latina, lingua de la Eglesa catolica cual ia domina Europa ueste e sentral e represente la sola fonte de instrui, es un lingua estendeda tra la scrivedas medieval, an en la locas cual no ia es romanida. Par contrasta, en Europa este, la influi de la Impero bizantian e de la Eglesa ortodoxa ia fa de la elinica e de la slavonica vea de eglesa la linguas dominante.

Linguas demotica[edita | edita la fonte]

La popla ia continua usa sua linguas demotica propre, cual ia evolui. Los se trova en un numero de obras multe grande, como la Canta de Roland (franses antica), Beowulf (engles antica), la Canta de la Nubelungen (alta aleman media) o la Digenis Akritas (elinica medieval). An cuando esta epopeias ia es jeneral considerada como obras de un sola autor (jeneral nonconoseda), los ia es basada en resitas de tradisiones oral plu antica, como pote es per esemplo la epopeias elinica anticin de la Sicle Troian. Asi, la tradisiones celta ia survive en la Mabinogion e la Sicle de Artur.

Obras[edita | edita la fonte]

Obras relijiosa[edita | edita la fonte]

La obras telolojial represneta la majoria de la testos cual on pote trova en la bibliotecas medieval.

Obras nonrelijiosa[edita | edita la fonte]

Alegoria[edita | edita la fonte]