Lake Oswego, Oregon

De Vicipedia
Jump to navigation Jump to search
la lago es en la sentro de la site

La site de Lake Oswego (Lago Osuego), Oregon, es un site en la contias Clackamas e Multnomah en Oregon. La sentro de site es en la contia Clackamas, prosima de la autovia statal 43. Lo borda la sites de Portland (a la norde), West Linn (a la sude), Tualatin (a la ueste), Rivergrove (a la sude-ueste), e Tigard (a la ueste). Lo es sur la rio Willamette a la este. La teritorio de la site monta la du contias.

Jeografia[edita | edita la fonte]

En 2011, la cuantia de abitores de esta site ia es 36 725. La area de la site de Lake Oswego estende sur 29.4 cilometres cuadrida. La site ave un lago (clamada lago Oswego, con grandia de 1.64 cilometres cuadrida) en la teritorio munisipal.  Lake Oswego es bon conoseda como un vila abital superior.


Istoria[edita | edita la fonte]

La popla orijinal de la nasion Clackamas ia abita en esta area, longo la rios Willamette e Tualatin en alga viletas. Cuando la colonistes euro-american ia ariva, los ia trae maladias matante, e multe de la popla Clackamas ia mata.

Albert Alonzo Durham ia fundi un vileta e clama lo Oswego, en 1847, e ia construi un siereria sur la rieta Sucker (aora la rieta Oswego). La governa federal de la SUA ia reloca la popla Clackamas a la Reserva Indian de Grande Ronde en la contia Yamhill.

En 1865, la Fereria Oregon ia es corporada e ia construi fornones en Oswego.

En 1886, un ferovia Portland e Vale Willamette (Portland & Willamette Valley Railroad) ia es estendeda en Oswego.

La vila de Oswego ia es fundida en 1847, e ia es corporada como la site de Oswego en 1910.  La site ia renomi se Lake Oswego en 1960 cuando lo ia ajunta alga areas ambiente sur la lago Oswego.     

Governa[edita | edita la fonte]

Ofisias elejeda de la site de Lake Oswego, Oregon (2013-2014)
posto nom
maior Kent Studebaker
consilior Karen Bowerman
consilior Jeff Gudman
consilior Jon Gustafson
consilior Donna Jordan
consilior Lauren Hughes
consilior Skip O'Neill
Ofisias nonelejeda de la site de Lake Oswego, Oregon
ofisia nom
manejor munisipal Scott Lazenby
vismanejor munisipal David Donaldson
rejistror munisipal Catherine Schneider
avocato munisipal

Instrui[edita | edita la fonte]

La Universia Marylhurst, un universia catolica, es en Lake Oswego sur la autovia statal 43.

Per la parte de esta site en la contia de Clackamas la instrui prima e liseo es furnida par la Distrito scolal de Lake Oswego 7J.  La visinerias en la contia de Multnomah es parte de la Distrito scolal publica de Portland 1J.

Lake Oswego es en la Distrito de la Colejio comunial de Portland, e lo campo Sylvania es locada a un bloco de la visineria Mt. Park, a traversa de la via Kerr Parkway (ance clamada la via 49 sude-ueste en Portland).

Transporta[edita | edita la fonte]

La autovia interstatal 5 comuta Lake Oswego con Portland, Wilsonville, Salem e otra sites a la rampa de sorti a la rua Kruse.  La autovia statal 43 es ance clamada strada State, cual es un de stradas major en la sentro de site.

TriMet , la Distrito rejional de transporta tricontial de Oregon, servi esta site con la vias de bus 35-Macadam, 36-South Shore, 38-Boones Ferry, e 78-Beaverton/Lake Oswego.


Locas de interesa[edita | edita la fonte]

  • Sentro de site: ave multe scultas sur paserias.
  • Plaza Milenial (Millennium Plaza): mercato de cultivor.
  • Parce George Rogers
  • La Biblioteca publica de Lake Oswego (Lake Oswego Public Library)
  • La templo mormon de Portland, a prosima de la rampa Kruse Way de la autovia interstatal 5.
  • La vieta e la Area natural de la rieta Tryon (Tryon Creek Natural Area and trail) 


Persones famosa e istorial[edita | edita la fonte]

  • Chris Dudley, un bascetbalor profesal NBA e un aspiror governoral (en 2010), ia abite en Lake Oswego.
  • William Stafford, un poesiste, ia mori en Lake Oswego a 28 agosto 1993.