Oregon

De Vicipedia
Oregon


Oregon es un stato de la Statos Unida de America. La site capital es Salem. La site la plu grande es Portland .

La slogan de la stato es Alis volat propriis (El vola con sua alas propre) en Latina.  Lo es la stato 33 cual ia junta la SUA, a 14 febrero 1859.  Ante deveni un stato, Oregon ia es la Teritorio de Oregon (de la SUA) pos 1846, cuando la Rena Unida e la SUA ia conclui la Trata de Ghent, cual ia divide la orijinal Pais de Oregon (1818-1846) su un dirije compartida american-brites.  La trata ia fa ce la Oregon orijinal sude de la paralel 49 (aora la statos de Oregon e Washington) deveni un teritorio american, e la Oregon norde de la paralel 49 un teritorio de la Rena Unida (aora la provinse de Colombia Brites en Canada ). 

Oji la stato de Oregon ave 36 contias.  La contia la plu abitada es la contia de Multnomah (popla 735,334) do la sites de Portland e Gresham es. La contia la min poplada es la contia de Wheeler en Oregon este (popla 1,441).  La contia de Multnomah es ance la contia la min vasta (1,127 km2).  La contia la plu vasta es Harney (26,250 km2).

La 10 sites major en Oregon inclui Portland (contias Multnomah, Washington e Clackamas), Eugene (contia Lane), Salem (contias Marion e Polk), Gresham (contia Multnomah), Hillsboro (contia Washington), Beaverton (contia Washington), Bend (contia Deschutes), Medford (contia Jackson), Springfield (contia Lane), e Corvallis (contia Benton).  9 de la 10 sites es en la lado ueste de la Montanias Cascades (Bend es en la lado este).

Governa[edita | edita la fonte]

Governor[edita | edita la fonte]

La governor de Oregon oji – la governor 38 en sua istoria como un stato – es Kate Brown, de la partito Democrata, ci ia deveni la governor pos la resinia de John A. Kitzhaber, e ia comensa en la ofisia a 18 febrero 2015.  La ofisia de Kate Brown ia dura tra janero 2017. No como multe otra de statos en la SUA, Oregon no ave la ofisia de governor teninte (visgovernor).

Otra ofisias major elejada tra la stato[edita | edita la fonte]

Asembla legerial de Oregon[edita | edita la fonte]

La asembla legerial de Oregon , cual reuni anial en Salem, ave du cameras: la camera de representores (60 sejas), e la senato (30 sejas).  En la periodo de legi 2015-2016, la partito Democrata ave 18 sejas e la partito Republiciste ave 12 sejas en la senato.  En la camera de representores, la partito Democrata ave 35 sejas, e la partito Republiciste ave 25 sejas.

  • La presidente de la senato: Peter Courtney (Democrata, de Salem-Keizer)
  • La presidente tempora de la senato: Ginny Burdick (Democrata, de Tigard-King City-Portland sude-ueste)
  • Xef democrata de la senato: Diane Rosenbaum (Democrata, de Portland sude-este)
  • Xef republiciste de la senato: Ted Ferrioli (Republiciste, de Oregon norde-este)
  • La parlor de la camera de representores: Tina Kotek (Democrata, de Portland norde)
  • La parlor per tempo de la camera de representores: Tobias Read (Democrata, de Raleigh Hills)
  • Xef democrata de la camera de representores: Val Hoyle (Democrata, de Eugene ueste e Junction City)
  • Xef republiciste de la camera de representores: Mike McLane (Republiciste, de Oregon sentral)

Juderia[edita | edita la fonte]

La departe juderial de Oregon es composada de la Corte Suprema (en Salem), la Corte de Apela (en Salem), e la cortes de sircuito (en cada contia).  La judores es elejeda en un vota jeneral.  Si un judor resinia en sua periodo, la governor pote asinia un judor tempora asta la eleje seguente.

Governa munisipal e local[edita | edita la fonte]

Oregon ave 36 contias, e 242 sites corporada.  En ajunta, lo ave alga "distritos spesial de servi" (special service districts) e "distrito urban de servi" (urban service district), corporas munisipal limitada cual furni servis spesifada en sua teritorio de corpora (per esemplo, cloacas, transporta publica, acua, scolas, etc).  La vileta de Monte Hood, en la contia Clackamas, es un vileta cuasi-corporada.  La contia de Washington ave alga organizas de projeta comunial (community planning organizations) en areas noncorporada.

Lias esterna[edita | edita la fonte]

Esta lias vade a locas de ueb en engles.