Rivergrove, Oregon

De Vicipedia
Un parce per enfantes en Rivergrove.

Rivergrove, Oregon es un site corporada en la contias Clackamas e Washington en Oregon .  La cuantia de abitores en 2011 ia es 370.  La area de la site es 0.41 cilometro cuadrida.

Jeografia e istoria[edita | edita la fonte]

Rivergrove es sur la rio Tualatin a sude-ueste de Lake Oswego .  La site ia es corporada a 27 januario 1971, cuando la area ia es parte de la distrito noncorporada Lake Grove, e alga abitores de Lake Grove ia es consernada ce la du sites a prosima, Lake Oswego e Tualatin, ta pote ajunta Lake Grove a los.  Como diseda par la loca ofisial de ueb , Rivergrove es la site min vasta (plu peti ca Maywood Park, 0.44 cilometro cuadrida) entre la dudes cinco sites corporada en la rejion urban de Portland. 

Governa[edita | edita la fonte]

Dirije de la site de Rivergrove
Ofisia Nom
maior Heather Kibbey
presidente de la consilio munisipal Arne Nyberg
consilior David Dull
consilior Mary Mann
consilior Bill Tuttle
manejor e rejistror munisipal (nonelejeda) Sheri Richards

Instrui[edita | edita la fonte]

La instrui prima e liseo en Rivergrove es furnida par la Distrito scolal de Lake Oswego 7J.  La enfantes de esta site vade a la Scola prima River Grove  (jardin de enfantes tra la grado 5), la Liseo minor Lakeridge (la grados 6 tra 8), e la Liseo senior Lakeridge (la grados 9 tra 12).  La imposta sur propria en esta site ance finansia la Distrito de Colejio comunial de Portland.

Transporta[edita | edita la fonte]

La site de Rivergrove no ave alga autovia major, ma lo es prosima de ambos la autovias interstatal 5 (la plu prosima rampa es en Tualatin a la via Lower Boones Ferry) e la interstatal 205 (la plu prosima rampa es a la via Stafford).

Un parabus de la linia 36 de TriMet (cual core entre la Sentro de transporta Lake Oswego e la Tualatin ) es a la crusa de la vias Pilkington e Childs.

Atraes a visitores[edita | edita la fonte]

La site de Rivergrove ave du parces, la parce Lloyd Manor, e la parce de Erita (Heritage Park).  La ambos parces es sur la rio Tualatin.

La parce Lloyd Manor inclui un rampa per canoas, barcos e caiaces, a la sude de la parce.

La parce de Erita es un area de cuatro acres. cual preserva un abita de viventes savaje.

La parce natural de la Bosce Bryant (Bryant Woods Nature Park), un parce de la site de Lake Oswego , es ance locada multe prosima de Rivergrove.

Lias esterna[edita | edita la fonte]