Kabul

De Vicipedia
Con la orojio de la alta: Un monte en la Hindu Kush; la Rio Kabul; la Plaza de Abdul Haq; la interna de la Jardines de Babur de la sentenio 16; la Mascita Abdul Rahman
La mercato de avias en Kabul

Kabul (farsi e paxto: کابل‎) es la capital e site la plu grande de Afganistan, locada en la rejion este de la pais. Lo es ance un munisipa cual formi un parte de la provinisa plu grande de Kabul. Seguente estimas de 2019, la cuantia de popla en Kabul es 4.114 milion, cual inclui tota la grupos etnical major de Afganistan. Urbani rapida ia resulta en Kabul deveni la site grande 75 de la mundo.

Kabul es locada alta en un vale streta entre la montes de la Hindu Kush, con un altia de 1790 metres, un de la capitales la plu alta en la mundo. La site es estimada como ave plu ca 3500 anios de esiste, notada de, a min, la eda de la Impero Acemenan. Lo es a un loca stratejial longo la vias de comersia de Asia sude e sentral, e un loca clavin de la Via de Seda. Lo ia es un parte de la Impero Acemenan, segueda par la Imperos Seleucan, Cuxan, Sasanan, Maurian, Timuran, Mugul, e otras, asta 1747, cuando lo ia deveni un parte de la [[Impero Afgani] (acc Impero Durrani). Kabul ia deveni la capital de Afganistan en 1776.

En la sentenio 19 temprana, la brites ia ocupa la site, ma pos institui relatas stranjer, los ia es forsada per estrae tota fortes de Afganistan. Un gera interna en la desenio de 1990 entre grupos variosa de rebelores ia destrui multe de la site, cual resulta en multe mores e feridas.

Kabul es conoseda per sua jardines, bazares, e palasios. En la pasada resente, lo ia es un atraente per hipis joven de la ueste. De la estrae de la Taliban de autoria en 2001 tarde, la site ia comensa reconstrui se con aida de la comunia internasional. An con multe atacas teroriste par grupos antistato, la site es developante e ia es la site sinco de sites cresete la plu rapida en la mundo de 2012.

Sites capital de Asia
Abu Dabi | Aman | Ancara | Astana | Axgabat | Bacu | Bagdad | Bandar Seri Begawan | Bangcoc | Beijing | Berut | Bixcec | Catmandu | Colombo | Cuait | Daca | Dili | Dimashq | Djacarta | Doa | Duxanbe | Hanoi | Ieruxalim | Islamabad | Kabul | Kualalampur | Male | Manama | Manila | Muscat | Nova Deli | Pnompen | Pyongyang | Rangun | Riad | Sana | Seoul | Singapor | Taipe | Taxcent | Teran | Timpu | Tokyo | Ulan Bator | Vientian