Hugo Chavez

De Vicipedia

Hugo Rafael Chávez Frías (~ Txavez) ia nase a 28 julio 1954. El ia es la presidente de Venezuela asta sua mori a 5 marte 2013 (en Caracas). El ia es un xef de la Revolui de Bolivar, e ia presa per la crede political de sosialisme democratal e la integra de America Latina. Ance, el ia critica neoliberalisme, globali, e la politica internasional de la SUA. El ia alinia se con la governas marxiste-leniniste de Fidel Castro e alora Raúl Castro en Cuba, Evo Morale de Bolivia, e Daniel Ortega de Nicaragua e otra governas de sinistra como lo de Rafael Correa de Ecuador.

Un ofisior militar, Chavez ia fundi la Promove de la Republica Sinco, pos organiza un colpa de stato falida en 1992 contra presidente pasada Carlos Andrés Pérez. Chavez ia es elejeda como presidente en 1998. El ia promete aida la majoria povre de Venezuela. El ia es reelejeda en 2000 e 2006. En Venezuela, Chavez ia manteni la Programas de Bolivar, seguente cual sua goles inclui combate maladia, nonalfabetisme, malnuri, povria, e otra maladias sosial. Estra sua nasion, Chavez ia labora contra la Acorda de Washington par suporta otra modeles de developa economial. Ance, el ia suporta coopera entre la nasiones povre de la mundo, spesial los en America Latina. Triste, sua rena ia culmina en problemes seria en la economia e la politica de Venezuela.

El ia mori a 5 marte 2013.