Guanyin

De Vicipedia
Jump to navigation Jump to search
Un sculta de Guanyin, de sirca 1025 ec

Guanyin es un bodisatva de Asia este, asosiada con compati e adorada par budistes mahaiana e seguores de relijios etnical xines. La nom xines Guanyin, corta per Guanshiyin, sinifia "(la un ci) persepi la sonas de la mundo".

Alga budistes crede ce, cuando un de sua credores departi de esta mundo, los es locada en la cor de un loto (nelumbo) e alora enviada a la tera pur de la ueste de Sukhavati. Guanyin es comun nomida "la divin budiste la plu amada", con potias miraclosa per aida tota ci prea a el, como es diseda en la Sutra de la Loto e la Sutra Karandavyuha.

Alga templos grande en Asia este es dedicada a Guanyin, incluinte Shitenno-ji, Senso-ji, Kiyomizu-dera, Sanjusangen-do, e Shaolin. El es adorada en tota tradisiones budiste, e pote es trovada en templos en Bod (Tibet) con la nom Chenrezig, e en alga templos importante de budisme teravada como Gangaramaya e Kelaniya en Srilanca. El es comun la sujeto de scultas en arte asian, e es mostrada en la esibi de arte asian en la plu museos en la mundo. El es descriveda como e mas e fema per mostra sua transende sin limita ultra oposas como seso.

Seguente la plu de credores en Asia este, Guanyin ia orijina como la bodisatva Avalokitesvara, ma en relijio etnica xines, on ave naras mital de sua orijina cual no relata a la Avalokitesvara descriveda en la sutras budiste. En la ueste, el es comun refereda como "la diva de compati" e comparada con Maria.