Gran Chaco

De Vicipedia
Un mapa de la Gran Chaco
Un foto de foresta en la Gran Chaco
Un jaguar, un abitante de la Gran Chaco

La Gran Chaco (espaniol per "grande Chaco") es un rejion con poca persones. La nom "Chaco" deriva de un parola en cetxua, chaqu, cual sinifia "tera de xasa", probable per la varia rica de animales en la rejion intera. Lo es un tera basa calda e semiseca de la basin de la Rio de Plata, divideda entre Bolivia este, Paraguai ueste, Arjentina norde, e un parte de la statos de Brasil: Mato Grosso e Mato Grosso do Sul, do lo es liada con la rejion de la Pantanal (un area grande de pantanes). Esta area es a veses nomida la Plano de Chaco. La Gran Chaco ave alga de la temperatures la plu calda de la continente.

La rejion es abitada par plu ca 9 milion persones, divideda par cuantias cuasi egal de Arjentina, Bolivia, e Brasil, e incluinte sirca 100,000 persones en Paraguai. La area resta relativa sudevelopada. En la desenio de 1960, la autoritares de Paraguai ia construi la autovia trans-chaco; la autoritares de arjentina ia construi vias nasional 16 e 81, un parte de un atenta a coraji asede e developa a la area. Tota tre autovias estende sirca 700 km de este a ueste e es aora completa paveda. Un rede de nove autovias brasilera ia es ance construida en la stato de Mata Grosso do Sul.

La Gran Chaco es un de la fronteras cultival final de America Sude. Par la manca de popla, vias per tota climas, e infrastrutur esensal, lo ia es tro isolida per cultiva. La colonias menonita en la rejion es un eseta notable.