Gerd

De Vicipedia
Jump to navigation Jump to search
Skirnir menasa Gerd

En mitolojia norsce, Gerd (norsce: Gerðr, "ensircada") es un jotun e diva (sua madre es la jotun Aurboda, e sua padre es Gymir), e la sposa de la dio Frei. Gerd es atestada en la Edda poesial, la Edda prosal, la Heimskringla, e la poesia de la skaldes.

En la Eddas, Frei vide Gerd de un distantia, deveni multe enamada par sua belia briliante, e comanda sua servinte Skirnir per vade a Jotunheim (do Gerd abita) per gania sua ama. Gerd, inisial, refusa el, ma pos un serie de menasas par Skirnir, el acorda final. Gerd acorda per encontra Frei a un ora fisada a la loca de Barri e, pos Skirnir reveni con la responde par Gerd, Frei lamenta ce la encontra no pote aveni plu temprana.

En la Heimskringla, Gerd es ja la sposa de Frei, ci es personida como la re multe amada de Sveria. La duple deveni la jenitores de la dinastia Yngling par produi un fio, Fjolnir, ci deveni la re pos la mori de Frei e continua la dinastia. Gerd es comun teorida como un diva asosiada con la tera. El ia inspira multe obras de arte e leteratur.