Frei

De Vicipedia
Jump to navigation Jump to search
Frei, sentante sur la trono de Odin

Frei (norsce vea: Freyr, "la senior") es un dio multe atestada asosiada con rea santa, majiosia, ricia, la brilia de sol e clima bon, e mostrada como un dio de fertilia. Lo es diseda ce Frei dona pas e plaser a mortales. Frei, a veses conoseda como Yngvi-Freyr, es spesial asosiada con Sveria e es videda como la asendente de la dinastia real svensce.

En la libros islansce, la Edda poesial e la Edda prosal, Frei es un de la familia de dios, la vanir, la fio de la dio de la mar Niord, e la jemelo de la diva Freia. La dios ia dona Alfheim, la rena de la elfos, a el como un presenta per sua dentes prima cuando un bebe. El monta un senglar briliante, fabricada par la nanos, nomida Gullinbursti, e posese un barcon Skíðblaðnir cual ave sempre un sofla favorable e pote es pliada per porta en un bolsa cuando lo no es usada. Frei es ance conoseda como asosiada con un culto de la cavalos, e ia manteni cavalos santa en sua refujeria a Thrandheim en Noria. El ave servantes Skirnir, Byggvir, e Beyla.

La mito la plu grande survivente sur Frei nara de sua enamada con la jotun fema multe bela Gerd (Gerðr). Ultima, Gerd deveni la sposa de Frei, ma prima Frei debe dona sua spada (cual pote batalia solitar) si el ci es saja pote usa lo. An si privada de sua arma, Frei defeta la jotun Beli con un corno de un servo. Ma, sin sua spada, Frei va es matada par la jotun de foco Surtr en la avenis de Ragnarok.

Como otra dios germanica, la adora de Frei es reviveda en la periodo moderna en la promove de neopaganisme.