Diva

De Vicipedia
Afrodite
Isis

Un diva es un divin fema. Divas ia es liada con virtuas como belia, ama, madria, e fertilia. En la edas preistorial, el ia es representada la plu comun par la diva madral, un idea cual continua, an si ascondeda, en la relijos major de oji, como Guan Yin en budisme e Maria en cristianisme. Ma los ia es ance asosiada con ideas como gera, crea, e moria.

En alga relijios, un fem santa teni un rol sentral en prea e adora relijiosa. Per esemplo, Shaktisme, cual inclui la adora de la forte fema cual anima la mundo, es un de la tre setos major de induisme.

La supremia de un idea monoteiste o cuasi-monoteiste como la "Diva Grande" es promoveda par alga femistes como un varia fema de la Dio de la relijios abramica asosiada con la crese istorial de monoteisme en la eda de cultures mediteraneo antica.

Relijios politeise, incluinte "reconstruistes" moderne, onora divas e dio multiple, e tipal vide los como esentes separada de lunlotra. Esta divines pote es parte de un panteon, o rejiones diferente pote ave sua divines patronal. La reconstruistes, como sua antesedentes antica, onora la divines spesial per sua pais de orijina.

Pos la promove femiste, alga persones ave un interese in la analise de relijios per vide si e como la prinsipes e praticas trata nonjusta la femas. Un resulta es ce alga femes ia prefere un relijio de la Diva en loca de un de la relijios comun en la ueste, como iudisme, cristianisme, o islamisme. Esta es nomida la promove de la Diva, cual continua como popular entre alga grupos.

Multe de la atenta a egalia de la sesos en cristianisme es composada de reinterpreta la testos santa e usante parolas nonjenero per nomi e descrive la divin. En iudisme, la dio no es interpretada como un seso o un otra, a min par teolojistes.