Force

De Vicipedia
Un force metalin.

Un force es un util con du o plu dentes agu, usada per leva comedas a la boca o per teni los pos talia los.

Etimolojia[edita | edita la fonte]

La parola force en lingua franca nova veni de la latina furca, sinifiante "forcon". En otra linguas simil la nom es como segue: en italian forchetta, en franses fourchette e en catalan forqueta. En engles la parola es fork cual ance veni de la latina.

Istoria[edita | edita la fonte]

Alga de la usas plu anticin de la forcas ia aveni en Egipte Antica, do forces grande ia es usada como utiles per coce.

Forces fada de oso ia es trovada en locas arceolojial de la dinastia Xang (s 1600 - s 1050 aec) e de otra dinastias plu tarda. En la Impero Roman, forces de bronze e arjento ia es usada e on pote trova multe esemplos en la museos de tota Europa. Esta usa ia varia seguente la abituas local, la clases sosial e la tipo de comeda, ma la forces de la periodos plu temprana ia es usada per coce e servi. La force personal usada en la table ia a plu probable inventada en la Impero Roman Este (Bizantian), do ia es frecuente usada en la sentenio 4 (an si sua orijina ta pote es en Elas antica, ante la periodo roman). Rejistras mostra ce en la sentenio 9 un ojeto simil ia es usada en Persia par la elite. En la sentenio 10, lo ia es comun usada en Asia sude-ueste.