Divide de Deutxland

De Vicipedia

La divide de Deutxland entre la anios 1949 e 1990 ia es un resulta de la Gera Mundal Du. Pos la fini de la gera, Deutxland ia es divideda par la potiosas vinsente a cuatro zonas ocupada. En la parte ueste ia es la zonas de SUA, Britania Grande (Rena Unida) e Frans; en la parte este ia es la zona de Uni Soviet. Ance la site xef Berlin ia es divideda en esta modo.

La "Gera Fria" comensante ia gida pronto a tensas forte entre la potiosas ueste e la Uni Soviet. En la segue, Deutxland ia es divideda per tempo longa.

En 1948 un reformi de la sistem monal ia avenii, separada en la zonas ueste. A 23 maio 1949, la Republica Federal Deutxland ia es fundida en la zonas ueste. Un junta de la parte este a tempo plu tarda ia es projetada. Ma cuando, a 7 octobre 1949, la Republica Deutx Democratial ia es fundida en la zona este, la divide de Deutxland ia es realida.

La du statos ia developa vera diferente. En la parte este los ia developa un sistem sosialiste, influeda par la Uni Soviet. En la parte ueste un sistem capitaliste ia developa, influeda par la SUA. En 1956 la Republica Federal ia deveni un membro de la alia militar ueste NATO, e, a pos, la Republica Democratial ia deveni un membro de la alia militar de este, la Trata de Warszawa. Asta 1961, un frontera abrida ia esiste entre la du statos. Car la potia economial en la ueste ia es plu grande ca en la este, la stabli de la sistem en la este ia es nonfasil. Par esta causa, la frontera ia es cluida par la Republica Deutx Democratial, comensante a 13 agosto en Berlin.

En 1989 la Republica Deutx Democratial ia veni en un crise. La majoria de persones ia es vera noncontente con la restrinje de sua libria democratial, spesial sua libria de viaja. A 9 novembre 1989, los ia abri la frontera en Berlin par forsa. Pos esta, la reuni de Deutxland ia aveni a 3 otobre 1990.