Corelatas (gramatica)
Corelatas es un grupo de parolas interelatada usada como determinantes, pronomes, averbos, e sujuntas.
Alga linguas ave parolas cual segue coerente de sua categorias. Los pote es coerente o noncoerente o alga combina, dependente de la lingua. La table seguente mostra un compara entre engles, franses, e japanes. Nota como engles es semicoerente: la categorias de esiste e nega usa un indica de "some" e "no" per altera "one", "thing", and "where". Franses coerente sola en la categoria de esiste. Japanes es tota coerente.
| demanda | cuantia | ||
|---|---|---|---|
| esistential | nega | ||
| umana | who qui dare |
someone quelqu'un dareka |
no one (neg. +) personne daremo + neg. |
| nonumana | what que nani |
something quelque chose nanika |
nothing rien nanimo + neg. |
| loca | where où doko |
somewhere quelque part dokoka |
nowhere nulle part dokomo + neg. |
L. L. Zamenhof, la inventor de esperanto, ia nomi un table de proformas e determinantes - de demanda, demonstra, e cuantia - un table de corelativas, pos la proformas relativa e demonstrante cual funsion con lunlotra como corelativas. Asi es la table per esperanto, tota coerente - nota como lo es composada de parolas cual combina un prefisa cual funsiona como un determinante, e un sufisa cual sinifia un area consetal:
| Demanda ("cual/ce") |
Demostra ("esta/acel") |
Nondefininte ("alga") |
Universal ("cada") |
Negativa ("no") | ||
|---|---|---|---|---|---|---|
| ki– | ti– | i– | ĉi– | neni– | ||
| Cualia | –a | kia (cual tipo) |
tia (tal un) |
ia (alga tipo) |
ĉia (cada tipo) |
nenia (no tipo) |
| Razona | –al | kial (perce) |
tial (per acel razona) |
ial (per alga razona) |
ĉial (per tota razonas) |
nenial (per no razona) |
| Tempo | –am | kiam (cuando) |
tiam (alora) |
iam (alga ora) |
ĉiam (sempre) |
neniam (nunca) |
| Loca | –e | kie (do) |
tie (ala, asi) |
ie (alga loca) |
ĉie (tota locas) |
nenie (no loca) |
| Modo | –el | kiel (como) |
tiel (tal) |
iel (alga modo) |
ĉiel (tota modos) |
neniel (no modo) |
| Posese o asosia | –es | kies (de ci, de cual) |
ties (de el, de lo) |
ies (de alga) |
ĉies (de cada) |
nenies (de nun, de no cosa) |
| Demostrante | –o | kio (cual) |
tio (esta, acel) |
io (alga) |
ĉio (cada) |
nenio (no) |
| Cuantia | –om | kiom (cuanto) |
tiom (tanto) |
iom (alga) |
ĉiom (tota) |
neniom (no) |
| Individua | –u | kiu (ci, cual) |
tiu (acel, esta) |
iu (algun, alga cosa) |
ĉiu (cadun, cada cosa) |
neniu (nun, no cosa) |
Asi es un table de corelatas de elefen. Como es clar, los no es tan coerente como lo de esperanto, un resulta de la atenta a un apare plu simil a la linguas romanica. La parolas en roja es unica, e no es normal reduida a du parolas; la parolas en negra es plu simil a los de esperanto, e descrive la idea con du parolas, o es usas repetente de un de la parolas unica.
| Prosima | Distante | Demanda | Sujunta | Nonserta | Eleje | Individua | Universal | Negativa | |
|---|---|---|---|---|---|---|---|---|---|
| Determinante | esta | acel | cual | alga | cualce | cada | tota | no | |
| Persones | el | ci | algun | cualcun | cadun | tota (persones) | nun | ||
| Cosas | lo | cual | alga (cosa) | cualce (cosa) | cada (cosa) | tota (cosas) | no cosa | ||
| Plural | los | ci, cual | algas | cualces | - | tota | - | ||
| Tempo | aora | alora | cuando | alga ora | cualce ora | cada ora | sempre | nunca | |
| Loca | asi | ala | do | alga loca | cualce loca | cada loca | tota locas | no loca | |
| Cuantia | tan | cuanto | alga cuantia | cualce cuantia | cada cuantia | tota | no, zero | ||
| Modo | tal | como | alga modo | cualce modo | cada modo | tota modos | no modo | ||
| Intende | la intende | perce | afin | alga intende | cualce intende | cada intende | tota intendes | no intende | |
| Causa | la causa | car | alga causa | cualce causa | cada causa | tota causas | no causa | ||