Comedia Divin
La Comedia Divin (italian: Divina Commedia) es un poesia-nara par Dante Alighieri, cual ia comensa en 1308 e ia fini en 1320. Lo es vasta videda como la obra suprapasante en leteratur italian e un de la obras la plu grande de leteratur mundal. La vista imajinada de la vive posmori represente la vide mundal medieval como lo ia developa en la Eglesa Catolica per la sentenio 14. La obra ia aida la fundi de la lingua toscana, en cual lo es scriveda, como la lingua normida italian. Lo es divideda en tre partes: Enferno, Purgatorio, e Paradiso.
La nara ave, como sua sujeto, la state de spiritos pos mori, e presenta un imaje de justa divin, furnida como puni o recompensa meritada. La peregrinor Dante es acompaniada par tre gidores: Virgilio, ci representa razona umana e gida Dante tra enferno e purgatorio; Beatrix, ci representa revela divin, teolojia, fide, e grasia, e gida el tra paradiso ; e san Bernardo de Clairvaux, ci represente misticisme contemplante e la dedica a Maria, madre de Dio. Beatrix ia es un fem de Firenze ci Dante ia encontra en enfantia e ci el ia amira de un distantia, en la modo de la tradision de "ama cortes" de la eda.
Enferno
[edita | edita la fonte]
La poesia comensa a la note ante Venerdi bon en 1300. Dante es perdeda en un foresta oscur (peca), atacada par animales savaje (un leon, un leopardo, e un lupo fema) cual el no pote evade. El no pote trova la "via reta" a salva. Conosentece el es ruinante se e ce el es cadente a un "loca basa" do la sol es silente, Dante es salvada de la situa par Virgilio, e la du comensa sua viaja a la mundo suteran. La pecas en enferno es contrapasso, pd justa poesial. Per esemplo, clarvidores e divinores debe passea con sua testas a retro, no capas de vide lo cual es a ante, car acel ia es cual los ia atenta en vive:
Como alegoria, la enferno represente la spirito cristian como vidente peca per lo cual lo es vera, e la tre animales representa tre tipos de peca: la autosasiante, la violente, e la malvolente. Estas furni ance la tre divides de enferno: Enferno alta, estra la site de Dis, per la cuatro pecas de regala (libidosia, glotonia, avaria, e coleria); sirculo sete per violente; e sirculos 8 e 9 per la pecas de froda e tradi. Plu, lo vide Limbo en sirculo un, cual conteni la paganes virtuosa ci no ia es pecosa ma ia no ia sabe Cristo, e sirculo ses, cual conteni la ereses ci ia contradise la dotrina e confusa la spirito de Cristo.
Purgatorio
[edita | edita la fonte]
Pos survive la profondas de enferno, Dante e Virgilio asende a la Monte de Purgatoria a la otra lado de la mundo. La monte es sur un isola, la sola tera en la emisfera sude, creada par la desloca de roca cual ia aveni cuando Satan ia cade de paradiso a enferno. La monte ave sete terazas, representente la sete pecas matante. Esta pecas es videda como plu psicolojial ca los de enferno, fundida sur motiva en loca de atas.
Ama, un tema tra la Comedia, es importante per la discute de pecas sur la monte. An si ama cual flue de Dio es pur, lo pote deveni pecosa cuando flue tra umania. Umanes pote peca par usa ama per finis nonconveninte o mal (coleria, invia, orgulo), o usa lo per finis conveninte ma no sufisinte (pigria) o ama cual es tro forte (libidosia, glotonia, avaria). Su la sete purgas de la spirito es la ante-purgatorio, cual conteni los ci es escluida de a eglesa, e los ce repenta tro tarda e mori, comun violente, ante reseta la rituos final. A la fini es la jardin de purgatorio es la Jardin de Eden a la culmina de la monte.
Purgatorio represente la vive cristian, en cual la spirito es cambiada de trisia e miseria de peca a un state de grasia. Los ia ariva ala a la Soldi de Pascua. Purgatorio es ance notable per mostra ce la idea de un tera sfero ia es conoseda en la eda medieval.
Paradiso
[edita | edita la fonte]
Beatris gida Dante tra la nove sferos de sielo. La sete sferos plu basa trata con la virtuas de cautia, fortia, justa, e modera. La tre sferos prima es liada a tre sferos de spasio: Luna, cual representa vasili e donce la manca de fortia; Mercurio, cual conteni la aspirantes, ci ia es virtuosa ma per gloria, e donce manca justa; e Venus, cual conteni la amores, de cual sua amor ia es dirijeda a otras ca Dio, e donce manca modera. La cuatro sferos final es esemplos de la virtuas: la Sol conteninte la cautas, de ci sua sajia lumina la via per la otra virtuas. Marto conteni persones de fortia ci ia mori en la servi de cristiania; Jupiter, cual contenila res de justa; e Saturno, cual conteni la monces ci ia vive la vive de contempla. La sfero oto - la stelas fisada - conteni los ci ia ateni la virtuas teolojial de fide, espera, e ama, e represente la eglesa vinsente, la perfeta completa de umania, purida de tota pecas e portante tota virtuas de sielo. La sirculo nove, nomida la Mobile Primum ("movente prima"), cual conteni la anjeles, nunca venenida par peca orijinal. E a la culmina, la Empyrean, cual conteni la esense de Dio.
Dante encontra e conversa con alga santas grande de la eglesa, incluinte Tomas Aquinas, Bonaventur, San Petro, e San Juan. Ma Dante confesa ce la vista de sielo cual el pote persepi es sola un cual sua oios umana permete. La Comedia fini con Dante vidente, en sua vista limitada, la Trinia, e el comprende, en un modo cual el no pote espresa, la misteria de la divinia e umania de Cristo, e sua spirito deveni aliniada con la ama de Dio:
- Ma ja mea desira e mea vole
- ia es jirada como un rota, tota a un rapidia,
- par la Ama cual move la Sol e la otra stelas.