Calendario saisonal
La calendario saisonal es un calendario de cuatro saisones (o cuatris) de sete dias per semana e des-tre semanas per saison. La menses no es usada. A la fin de cada anio, un dia es ajuntada como dia 92, sin nom de dia. En cada anio cuatro, un plu dia es ajuntada a la saison du como dia 92, ance sin nom.
La saisones o cuatris es nomida...
- cuatri un o inverno (= janero, febrero e marto)
- cuatri du o primavera (= april, maio e junio)
- cuatri tre o estate (= julio, agosto e setembre)
- cuatri cuatro o autono (= otobre, novembre e desembre)
Natural, en la emisfero sude la saisones ta ave la ordina estate, autono, inverno, e primavera. Ma la abitantes de ala, e ance la abitantes de la zona tropical, probable ta prefere usa simple un, du, tre, e cuatro!
| Sol | Lun | Mar | Mer | Jov | Ven | Sat |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 32 | 33 | 34 | 35 |
| 36 | 37 | 38 | 39 | 40 | 41 | 42 |
| 43 | 44 | 45 | 46 | 47 | 48 | 49 |
| 50 | 51 | 52 | 53 | 54 | 55 | 56 |
| 57 | 58 | 59 | 60 | 61 | 62 | 63 |
| 64 | 65 | 66 | 67 | 68 | 69 | 70 |
| 71 | 72 | 73 | 74 | 75 | 76 | 77 |
| 78 | 79 | 80 | 81 | 82 | 83 | 84 |
| 85 | 86 | 87 | 88 | 89 | 90 | 91 |
La calendario ta pote comensa a lundi, si la mundo ta prefere.
En 1973, la autor e siensiste Isaac Asimov ia sujesta un varia, la "calendario saisonal de mundo", nominte la saisones A, B, C e D, e la dia autonom "dia de anio".
Un otra varia usa un semana autonom en loca de dias. Vide La calendario con un semana completinte e La calendario con numeros de semana per plu informa.