La calendario con numeros de semana

De Vicipedia
Jump to navigation Jump to search

En 1988 on ia publici la norma internasional ISO 8601. La gol de esta norma ia es la scrive de datas en modo nonambigua e internasional. Un de la scrives normalida es la data con la numero de la semana. Per esemplo, en loca de 29 febrero 2012, on pote scrive 2012-W09-3, en cual 2012 indica la anio, W09 indica la semana 9, e 3 indica la dia 3 de la semana (cual comensa sempre a lundi).

Esta norma ia crea du tipos de anio: la anio con 52 semanas, e la anio con 53 semanas. Donce la longia de un anio es o 364 dias o 371 dias. Acel es un revolui grande! Un anio ave 53 semanas cuando o la dia prima o la dia final de la anio tradisional es un jovedi. En la otra casos la anio ave 52 semanas.

La resulta es ce la 3 janero 2010 deveni 2009-W53-7, e la 4 janero 2010 deveni 2010-W01-1. On pote leje acel datas como "soldi de la semana 53" e "lundi de la semana 1". Con esta calendario reformida, la anio ave 4 trimestres con esata 13 semanas en cada trimestre. Sola cuando la anio ave 53 semanas, on ave un semana completinte. Esta completi aveni pos 6 o 5 anios.

Un sistem no normalida ma divertinte ta es la relata de la 52 o 53 semanas, con la cuantia de cartas en un jua de cartas. La semana 1 ta es la semana "as de trefolia", la semana 13 ta es la semana "re de trefolia", la semana 14 "as de diamante", la semana 27 "as de cor", la semana 40 "as de spada", e la semana 53 ta es la semana "bufon". La 29 febrero 2012 es "la mercurdi 9 de trefolia 2012". La anio prosima con un semana "bufon" ia aveni en 2015.

La usa de cartes ta opera bon ance con la calendario saisonal: cuatri un pote es la cuatri de trefolias, du la cuatri de diamantes, tre - la cuatri de spadas, cuatro - la cuatri de cores. On pote ancora usa as-du-tre...cavalor-dama-re per la 13 semanas en cada "familia". E la bufon es la dia de la anio (con un bufon plu per dia 366). A min, lo ta es divertinte, e on pote usa la sistem per juas de clarvide (como la taroci ia es usada en la pasada)!