Buco negra

De Vicipedia
Buco negra
Un vista imajinada de un buco negra

Un buco negra es un rejion de spasio-tempo cual esibi un efeto de gravita forte afin no cosa - no an particulas e radia eletromagnetal - pote evade de lo. La teoria de relativia predise ce un masa sufisinte densa pote desformi spasio-tempo e crea un buco negra. La borda de la rejion de cual no evade es posible es nomida la orizon de aveni. An si lo ave un efeto enorme sur la destina de un ojeto cual crusi lo, cualias local no es oservada. En multe modos, un buco negra ata como un corpo negra perfeta cual no refleta cualce lus. Plu, la teoria de campo cuantal de spasio-tempo curva predise ce la orizones de avenis ta emete radia Hawking, con la mesma spetro como un corpo negra de un temperatur en proportio inversa a sua masa. Esta temperatur es bilionis de celvines per bucos negra con la masa de stelas]], e donce no es oservable.

Un buco negra con la masa de stelas es espetada como formi cuando stelas masosa colasa a la fini de sua sicle de vive. Pos cuando un buco negra es formida, lo pote continua crese par asorbe masa de sua ambiente. Par asorbe otra stelas e fusa con otra bucos negra, bucos negra supramasosa de miliones de masas de stelas pote formi. Jeneral, astronomistes acorda ce la bucos negra supramasosa esiste a la sentros de la plu de galasias.

An si sua interna no es vidable, la presentia de un buco negra pote es deduida de sua interata con otra materia e con radia eletromagnetal como lus vidable. Materia cual cade sur un buco negra pote formi un disco de acrete esterna caldida par frica, forminte alga de la ojetos la plu briliante en la universo. Si on ave otra stelas orbitante un buco negra, sua orbitas pote es usada per determina la masa e loca de la buco negra.


La sistem solal model
Planetas: Mercurio | Venus | Tera (Luna) | Marte | Jupiter | Saturno | Urano | Netuno
Planeta nana: Ceres | Pluto | Eris
Otras: Sol |Stela | Sintur de asteroides | Galasia | Nebulosa | Buco negra | Buma grande