Pluto

De Vicipedia

Pluto (ance 134340 Pluto; simboles: ⯓[1] e ♇[2]) es un de la planetas nana cual orbita la sol.

Pluto es la corpo des par grandia cual orbita la sol; la oto planetas e la planeta nana Eris es plu grande.

Pluto es tro oscur per es vidable con la oio nonaidada, e ia es descovreda en 1930 par Clyde Tombaugh. Orijinal regardada como un planeta vera, astronomistes dise aora ce Pluto es un planeta nana. Lo es la membro la plu grande de la sintur de Kuiper. Como otra membros de la sintur, lo es composada de roca e jelo. Sua masa es un sinci de lo de la Luna de la Tera e sua volum es un tri. La nom Pluto veni de la dio roman de la enferno.

Pluto ave cuatro lunas: Caron, Nix, Hydra, e un luna cual ia es descovreda en 2011, tempora nomida S/2011 P 1. La luna Caron es multe plu grande ca la otra lunas, tan grande ce on pote regarda Pluto e Caron como un sistem binaria, car la sentro de masa sta entre Pluto e Caron, e no a la interna de Pluto.


La sistem solal model
Planetas: Mercurio | Venus | Tera (Luna) | Marte | Jupiter | Saturno | Urano | Netuno
Planeta nana: Ceres | Pluto | Eris
Otras: Sol |Stela | Sintur de asteroides | Galasia | Nebulosa | Buco negra | Buma grande
  1. JPL/NASA (2015-04-22). "What is a Dwarf Planet?."
  2. (2004) John Lewis (ed.). Physics and chemistry of the solar system, 2 edició, Elsevier, p. 64.