Anabatisme amix

Amix en Lancaster, Pennsylvania, en un caro tipal

Anabatisme amix es un varia de anabatisme multe tradisional, derivada de la anabatistes de Suiz. La seta es prosima relatada a la menonitas, ma es distinguida de los par un asentua estrema a sua evita de tecnolojia moderna. La istoria de la eglesa amix ia comensa con un fende entre membros de anabatistes suiz e alsasian en 1693, conduida par Jakob Ammann.

Los es notada per sua modo de vive simple, vestes simple, e la usa de caros e vagones traeda par cavalos, e prefere labora como cultivores. Car la amix ia esperia odia e prejudi en Europa, multe ia migra a America Norde, spesial Pennsylvania. Los abita ala e en areas campanial en otra statos, an oji, ma nun pote es trovada en Europa.