Zuni (lingua)

De Vicipedia
Jump to navigation Jump to search
Foto famosa de un xica zuni con un vaso sur sua testa, par Edward S. Curtis

Zuni (zuni: shiwi'ma) es la lingua de la popla zuni, nativa a Mexico Nova ueste e Arizona este en la SUA. Lo es parlada par sirca 9500 persones, spesial en la visinia de la Pueblo Zuni en Mexico Nova. No como la plu de linguas orijinal en la SUA, Zuni es ancora parlada par un cuantia sinifiante de enfantes e, donce, no es tan menasada par estingui.

Car zuni es un lingua en la area linguistica de la pueblos, lo comparti alga cualias con hopi, ceres, e tanoan (e, a un estende min, navaho) cual es probable la resulta de contata entre la poplas. Per esemplo, la developa de consonantes ejetada es posible un imita de la linguas ceres e tanoan, cual ave grupos completa de ejetadas. Simil, consonantes aspirada is posible de otra linguas. Otra cualias compartida inclui la desvosi de vocales final e consonantes sonante, cuantia duple, vocabula ritual, e la esiste de un consonante velal labialida [kʷ].

La ordina de parolas en Zuni es cuasi libre con un tende a SOV. Lo no ave indicas de caso a la nomes. Verbos es complicada, comparada a nomes, con corpora laxe. Como otra linguas en la sude-ueste de SUA, Zuni usa refere-alterante (en engles "switch-reference"), pd la ajunta (tipal) de un sufisa a un verbo per indica ce la verbo seguente va ave un sujeto diferente.