Ceres (lingua)

De Vicipedia
Jump to navigation Jump to search
La area orijinal en cual la lingua ceres ia es parlada

Ceres (keresan, keres) es un lingua american nativa, parlada par la popla pueblo en Mexico Nova. Dependente de analise, ceres es videda como un familia peti o un lingua isolada con dialetos diversa. La varias de la sete pueblos ceres es comprendable mutual con sua visinas prosima. On ave diferes sinfiante entre la grupos ueste e esta, cual es a veses contada como linguas separada.

Fonolojia[edita | edita la fonte]

Ceres ave entre 42 e 45 sonas consonante, e sirca 40 sonas vocal, per un soma de sirca 95 fonemes, dependente de la analise e la dialeto.

La cuantia grande de consonantes relata a la distingui triple entre consonantes sin vos, aspirada, e ejetante (pe /t tʰ t'), e a la cuantia de fricantes (pe /sʼ ʂ ʂʼ ʃ ʃʼ h/ e africantes cual ave ance la distinguis triple.

La cuantia grande de vocales deriva de un distingui entre vocales longa e corta (pe /e e:/), e de la esiste de tonos e vocales sin vose. Un vocal pote ave sete realis distinguida: / é è e̥ éː èː êː ěː /, tota de cual es usada per distingui parolas en la lingua.

Ceres acoma ave cuatro tonos: alta, basa, cadente, e levante. vocales cadente e levante aveni sola en vocales longo, e la vocales sin vose no ave tonos.

Morfosintatica[edita | edita la fonte]

Ceres es un lingua ergativa-fendeda, en cual verbos cual descrive states opera en un modo diferente de los cual descrive atas, spesial en la afisas personal. Esta sistem es fundada sur un model nontransitiva-fendeda, en cual sujetos es marcada en un modo diferente si los es videda como atores de cuando los es videda como la ojetos de la ata descriveda.

La morfolojia de ceres es xef prefisinte, an ce sufisas e redupli aveni ance. Ceres distingui nomes, verbos, numeros, e particles como clases de parolas. Nomes en ceres no distingui normal caso o cuantia, ma los pote es infletada per posese, con construis distinguida per posese alienable e nonalienable. Estra posese, nomes ceres mostra no clases de nomes completa. Ceres es un lingua cual tende pone la verbo a la fini de la frase, ma la ordina de parolas es alga flexable.

En ceres, la prefisa verbal conteni informa de sinco categorias gramatical diferente: rol de la partisipante, modo, polalia, person, e cuantia. Esta es per dise, la verbo es codigida per ci comensa la ata e la grado de implica de la cosa o person; ci ia es efetada par la ata (ojeto direta), la evalua de la ata par la parlor (modo), e si lo aveni o no (polalia). A la otra lado, informa sur cuando la ata aveni (pd tempo) es espresada en un otra parte de un proposa, xef par averbos.