Hopi (lingua)

De Vicipedia
Jump to navigation Jump to search
La pueblo (vileta) Walpi de la mesa prima

Hopi (hopi: hopílavayi) es un de la linguas uto-astecan parlada par la popla Hopi (popla)hopi (un grupo de la tribus de pueblos) de Arizona norde-este en la SUA. La usa de hopi ia diminui tra la sentenio 20. On ia estima ce plu ca 5 mil persones ia pote parla hopi como sua lingua nativa (sirca 75% de la popla), ma sola 40 de los ia es monolingual en hopi. Alga hopis parla sola engles. En 1998, un sonda lingual de 200 hopis ia mostra ce tota hopis vea (60 anios o plu) ia es parlores perfeta de hopi, ma sola 84% de otra adultes (40-59), 50% de adultes joven (20-39), e sola 5% de enfantes (2-19). An si la diminui parente, hopi e navaho es suportada par programas bilingual en la scolas en Arizona, e enfantes aprende la linguas american orijinal como sua lingua prima.

La hopis ia vive a tre "mesas" (planos alta), e la dialetos varia. Hopi pote es divideda entre cuatro dialetos, nomida mesa prima, mesa tre, e Mishongnovi e Shipaulovi de mesa du. La fonolojia es alga simple, con 20 - 32 consonantes (dependente de dialeto) e ses vocales. Lo permete parolas e silabas de CV e CVC, con poca CC combinas. Asenta es cuasi sempre a la prima vocal, e a vocal du en alga parolas con tre o plu silabas. Du tonos esiste - plana e levante.

Hopi usa sufisas per indica modos en verbos e sujeto/ojeto e singular/duple/plural en nomes. singular/plural es indicada a e nomes e verbos, con alga usa de redupli de silabas. La ordina de parolas es sujeto-verbo, e ajetivos es espresada comun como verbos statal, o sujeto-verbo-ojeto. La lingua ia es studiada per sua asentia de parolas simple per la pasa de tempo e la divide de tempo. Ma lo es clar ce los comprende esta ideas e ave metodos per espresa los.