Yggdrasil

De Vicipedia
Yggrasil, par Frølich
La tre nornen - Urd, Werdanda, e Skuld - divas ci manteni Yggdrasil

Yggdrasil es un arbor jigante mitolojial cual ave un rol sentral en la cosmolojia norsce antica, do lo lia la nova mundos. Lo es atestada en la Edda poesial, composada en la sentenio 13 de fontes tradisional plu vea, e la Edda prosal, scriveda en la sentenio 13 par Snorri Sturluson. En ambos fontes, Yggdrasil es un fresno grande cual es la sentro de la universo e multe santa. La dios vade a Yggdrasil dial per asembla a sua Tinges, asemblas de governa tradisional. La ramos de Yggdrasil estende distante a la sielo, e lo es suportada par tre radises cual estende distante a otra locas: un a la poso Urðarbrunnr en la sielo, un a la fonte Hvergelmir, e un otra a la poso Mímisbrunnr. Viventes abita en Yggdrasil, incluinte un dragon Níðhöggr, un agila (nonomida), e la cavalos Dáinn, Dvalinn, Duneyrr, e Duraþrór.

Teorias sur la orijin de la nom Yggdrasil varia multe. La plu asetada es ce lo ave la sinifia leteral de "cavalo de Ygg", con cavalo como un metafor per un pendador, e Ygg como un nometa per Odin, cual refere a un nara en cual Odin sacrifia se par pende se de un ramo de Yggdrasil. Tradisional, lo ia es videda como un Fresno, ma lo no es serta. Un otra interpreta es ce "ygg" es derivada de la nom per la arbor taxo (possible relatada a la engles "yew"). Yggdrasil ia ave un rol importante en la nara de la fini de la mundo (e recomensa de un mundo nova) nomida Ragnarök.